តើ ផតឃែស្ថ ជាអ្វី?
ផតឃែស្ថ (Podcast) គឺជាសំឡេង (ជាធម្មតា មានទម្រង់ជា MP3) ដែលគេដាក់ផ្សព្វផ្សាយនៅលើប្រព័ន្ធអ៊ិនថឹណិត ។ លោកអ្នកអាចទាញយកសំឡេង ផតឃែស្ថ យកមកទុកក្នុងម៉ាស៊ីនកុំព្យូទ័ររបស់លោកអ្នក ដើម្បីទុកចាក់ស្ដាប់ដោយប្រើកម្មវិធីកុំព្យូទ័រពិសេសដែលអាចចាក់ផ្សាយ ផតឃែស្ថ ឬ ទាញយកសំឡេង ផតឃែស្ថ បញ្ចូលក្នុងឧបករណ៍ចាក់សំឡេងផ្ទាល់ខ្លួនរបស់លោកអ្នក (ដូចជា iPod, iriver, Creative Zen Touch,។ល។)។
ការប្រើ ផតឃែស្ថ គឺប្រៀបដូចជា ការស្ដាប់វិទ្យុតាមសេចក្ដីត្រូវការ មានន័យថា លោកអ្នកស្ដាប់នូវអ្វីដែលលោកអ្នកចង់ស្ដាប់ និងស្ដាប់នៅពេលណាក៏បាន ពេលដែលលោកអ្នកចង់ស្ដាប់ ។
កម្មវិធីកុំព្យូទ័ររបស់លោកអ្នក ឬ ឧបករណ៍ចាក់សំឡេងឌីជីថល របស់លោកអ្នក នឹងទាញយកសំឡេង ផតឃែស្ថ ដោយស្វ័យប្រវត្តិ ដូច្នេះ លោកអ្នកនឹងទទួលបានសំឡេង ផតឃែស្ថ ដែលថ្មីៗបំផុត ។
តើខ្ញុំស្ដាប់ ផតឃែស្ថ យ៉ាងដូចម្ដេច?
ប្រសិនបើលោកអ្នកចង់ស្ដាប់សំឡេង ផតឃែស្ថ នៅក្នុងម៉ាស៊ីនកុំព្យូទ័ររបស់លោកអ្នក លោកអ្នកចាំបាច់ត្រូវទាញយក កម្មវិធីទាញយកផតឃែស្ថ រួចហើយដំឡើងកម្មវិធីនោះនៅក្នុងកុំព្យូទ័ររបស់លោកអ្នក ។
លោកអ្នកអាចប្រើកម្មវិធី iTunes ចេញចុងក្រោយគេបង្អស់ របស់ក្រុមហ៊ុន Apple (ដែលមានកម្មវិធីទាញយក ផតឃែស្ថ ភ្ជាប់ជាមួយស្រាប់) ឬ កម្មវិធីផ្សេងៗទៀត ដូចជា Odeo ឬ Juice (ពីមុនគេហៅថា iPodder) ដើម្បីគ្រប់គ្រងការទាញយកសំឡេង ផតឃែស្ថ របស់លោកអ្នក ។
ដើម្បីទាញយកសំឡេង ផតឃែស្ថ ដាក់ក្នុងកម្មវិធី iTunes 6 ចូរចុចយក Advanced រួចហើយជ្រើសយក Subcribe to Podcast រួចហើយវាយអាសយដ្ឋាន [URL] របស់សំឡេង ផតឃែស្ថ ទៅក្នុងប្រអប់ ។
ប្រសិនបើលោកអ្នកចង់ស្ដាប់ ផតឃែស្ថ មិនមែនក្នុងម៉ាស៊ីនកុំព្យូទ័រ លោកអ្នកនឹងចាំបាច់ត្រូវផ្ទេរសំឡេង ផតឃែស្ថ បញ្ចូលទៅក្នុងឧបករណ៍ចាក់សំឡេងដែលអាចយកតាមខ្លួនបាន ។ ចូរមើលការណែនាំនៅក្នុងកម្មវិធីទាញយក ផតឃែស្ថ ដើម្បីដឹងពីវិធីផ្ទេរសំឡេង ផតឃែស្ថ ។
តើធ្វើដូចម្ដេចដើម្បីទាញយកសំឡេង ផតឃែស្ថ របស់វិទ្យុ អាស៊ីសេរី ?
នៅបន្ទាប់ពីលោកអ្នកបានដំឡើងកម្មវិធីទាញយក សំឡេងផតឃែស្ថ រួចហើយ ចូរចម្លងយក URL របស់ ផតឃែស្ថ ដែលលោកអ្នកត្រូវការ ទៅដាក់បញ្ចូលក្នុងកម្មវិធីទាញយក ផតឃែស្ថ នោះ (ឧទាហរណ៍ Odeo, iTunes, Juice ឬពីមុនហៅថា iPodder) ។
ដើម្បីមើលកម្មវិធីទាញយក ផតឃែស្ថ ចូរបើកមើលវ៉ិបសាយថ៍ Podcastingnews.com ។ នៅលើវ៉ិបសាយថ៍នេះ លោកអ្នកក៏អាចរកមើលការណែនាំអំពីរបៀបបង្កើត ផតឃែស្ថ ផ្ទាល់ខ្លួនបានផងដែរ ។
ប្រសិនបើលោកអ្នកមានបញ្ហាអ្វីទាក់ទងនឹង ការប្រើ ផតឃែស្ថ សូមអញ្ជើញទាក់ទងមក ៖ contact@rfa.org ៕
- ស្ដាប់ផ្ទាល់ (ព្រឹក ៥:៣០-៦:៣០ ល្ងាច ៧:៣០-៨:៣០)
- សំឡេង
- រដ្ឋាភិបាល លោក ហ៊ុន សែន ជះលុយជិត ១លានដុល្លារ ជួលក្រុមហ៊ុនមេធាវីអាមេរិកាំងឲ្យជួយបញ្ចុះបញ្ចូលរដ្ឋាភិបាលអាមេរិកស្តារទំនាក់ទំនងទ្វេភាគី
- មេធាវីអន្តរជាតិព្រមានពីការរិះគន់កាន់តែខ្លាំងពីអន្តរជាតិ រឿងហាមមិនឲ្យលោកចូលកម្ពុជា
- មន្ត្រីយោធាកម្ពុជាបញ្ជាក់ថា ពិតជាមានការបូមខ្សាច់ស្តារជម្រៅទឹកសមុទ្រនៅមូលដ្ឋានទ័ពជើងទឹករាមមែន
- លោក សម រង្ស៊ី រំលឹកថា តុលាការបារាំងបានចេញដីកាចាប់ខ្លួនមេអង្គរក្សលោក ហ៊ុន សែន និងត្រៀមចាប់លោក ហ៊ុន សែន ពេលអស់តំណែង
- តើលោក សម រង្ស៊ី ចោទលោក ហ៊ុន សែន រឿងសូកប៉ាន់ធី សុវណ្ណថា ក្លែងក្លាយឬពិត?
