ព្រះមហាក្សត្រសរសើរនាយករដ្ឋមន្ត្រីពីការរៀបចំព្រះរាជពិធីព្រះបរមរតនកោដ្ឋ
2013.02.09
ព្រះមហាក្សត្រ និងសម្ដេចព្រះមហាក្សត្រី យាងដង្ហែព្រះបរមអដ្ឋិព្រះបរមរតនកោដ្ឋ ទៅតម្កល់នៅព្រះបរមរាជវាំង នៅព្រឹកថ្ងៃទី ៧ កុម្ភៈ ឆ្នាំ២០១៣។
ព្រះរាជសារនោះមានខ្លឹមសារថា៖ «យើងខ្ញុំសូមអរគុណជាអនេកប្បការសម្ដេចអគ្គមហាសេនាបតីតេជោ ក្នុងឋានៈជាប្រមុខដឹកនាំរាជរដ្ឋាភិបាលកម្ពុជា បានចំណាយថវិកាជាតិទាំងស្រុង ចាប់ផ្ដើមថ្ងៃដំបូង រហូតដល់ថ្ងៃបញ្ចប់នៃព្រះរាជពិធីបុណ្យព្រះបរមសព។ ព្រះបរមមេរុ ដ៏ល្អពិសិដ្ឋ រំលេចដោយផ្កាភ្ញីភ្លើង ហោជាង កំពូលគ្របដណ្ដប់ដោយព្រះស្វេតច្ឆ័ត្រ ព្រះរាជរថដង្ហែតាមដងវិថីដ៏ល្អ ដែលមានអត្ថន័យ ព្រះរាជរថដង្ហែព្រះអង្គារ។ ទាំងអស់នេះ ប្រកបដោយក្បូរក្បាច់រចនាល្អឥតខ្ចោះនៃកូនខ្មែរសម័យបុរាណ និងសម័យបច្ចេកវិទ្យាទំនើប បង្ហាញនូវស្នាដៃដ៏ប៉ិនប្រសព្វ និងមានសោភ័ណភាពល្អប្រណិតតាមរចនាបថប្រពៃណីខ្មែរ ស្ថាបត្យករ វិស្វករនារីបុរសនៃវប្បធម៌ អារ្យធម៌ ប្រពៃណីខ្មែរ ជូនជាតិ អន្តរជាតិ បានជ្រាប និងបានចារជាប់ជាប្រវត្តិសាស្ត្រ អមតនៃប្រជាជាតិខ្មែរ»។
ព្រះរាជពិធីដង្ហែ និងពិធីថ្វាយព្រះភ្លើង ព្រះបរមសព ព្រះមហាវីរក្សត្រ បានចាប់ផ្ដើមនៅថ្ងៃទី១ កុម្ភៈ ដល់ថ្ងៃទី៧ កុម្ភៈ ឆ្នាំ២០១៣៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សាលាដំបូងរាជធានីភ្នំពេញ តម្កល់សាលក្រមកំបាំងមុខទៅលើប្រធានសហជីព លោក ម៉ម រិទ្ធី ឱ្យជាប់ពន្ធនាគារ ១៨ខែ
- សភាអឺរ៉ុប ជំរុញឱ្យសើរើប្រព័ន្ធអនុគ្រោះពន្ធ EBA នៅសល់៨០% និងដាក់ទណ្ឌកម្មជាក់លាក់លើរដ្ឋាភិបាលកម្ពុជា
- លោក ហ៊ុន សែន ស្នើមេដឹកនាំចិនឱ្យផ្ដល់ជំនួយ និងប្រាក់កម្ចីបន្ថែម ក្នុងគ្រាដែលកម្ពុជាអាចប្រឈមនឹងទណ្ឌកម្មសេដ្ឋកិច្ចពីសំណាក់សហភាពអឺរ៉ុប
- ពលរដ្ឋ និងអ្នកការពារសិទ្ធិមនុស្សធ្វើធម្មយាត្រាពីក្រុងកំពតមកភ្នំពេញ ដើម្បីលើកកម្ពស់ការគោរពសិទ្ធិមនុស្ស
- អ្នកវិភាគជំរុញឱ្យលោក ហ៊ុន ម៉ាណែត ឱ្យក្លាហានហ៊ាននិយាយជាមួយអ្នកសារព័ត៌មាន