រូបត្លុកនយោបាយ៖ ដំណើរទស្សនកិច្ច​ទៅតៃវ៉ាន់​របស់​ប្រធានរដ្ឋសភា​អាមេរិក ធ្វើឱ្យ​ចិន​ស្រឡាំងកាំង

ប្រធានរដ្ឋសភា​អាមេរិក អ្នកស្រី ណេនស៊ី ផេឡូស៊ី (Nancy Pelosi) បានទៅ​បំពេញ​ទស្សនកិច្ច​នៅ​កោះតៃវ៉ាន់ (Taiwan) ដែល​មាន​រដ្ឋាភិបាល​គ្រប់គ្រង​ដោយខ្លួនឯង។ ដំណើរ​ទស្សនកិច្ច​នេះ ធ្វើឡើង​ផ្គើន​ទៅនឹង​ការគំរាមកំហែង​របស់​ប្រទេស​ចិន និង​បដិសេធ​យុទ្ធនាការ​របស់​ប្រទេស​នេះ​ក្នុងការព្យាយាម​ធ្វើឱ្យ​កោះតៃវ៉ាន់​នៅ​ឯកា។ ក្រុងប៉េកាំង (Beijing) ដែល​ខឹងសម្បារ​នឹង​ដំណើរ​ទស្សនកិច្ច​នេះ ហើយ​ដែល​តែងតែ​ទាមទារ​អធិបតេយ្យ​លើ​កោះតៃវ៉ាន់ បាន​ឆ្លើយតប​ដោយធ្វើ​សមយុទ្ធ​យោធា​ទាំង​តាមផ្លូវអាកាស និង​តាម​ផ្លូវសមុទ្រ​នៅប៉ែក​ខាងកើត​នៃ​កោះនេះ ហើយ​បាន​ប្រកាស​ពី​ការធ្វើ​សមយុទ្ធ​បាញ់គ្រាប់ពិត​រយៈពេល ៤ថ្ងៃ​ក្រោយ​ដំណើរទស្សនកិច្ច​នេះ។ ការស្ទង់មតិ​នានា​បង្ហាញថា មាន​ការគាំទ្រ​តិចតួច​នៅ​កោះតៃវ៉ាន់ ចំពោះ​ការចង់​ឱ្យមាន​ការរួបរួមគ្នា​រវាង​កោះតៃវ៉ាន់​ដែល​ដឹកនាំតាម​បែប​លទ្ធិប្រជាធិបតេយ្យ និង​ប្រទេសចិន​ដែល​ដឹកនាំ​តាមបែប​លទ្ធិកុម្មុយនិស្ត។
---------------------
ដើម្បី​ស្វែងរក​ព័ត៌មាន​ផ្សេងទៀត​របស់​វិទ្យុអាស៊ីសេរី សូម​ចូល​ទៅកាន់៖
»» គេហទំព័រ៖ rfa.org/khmer
»» ហ្វេសប៊ុក (Facebook)៖ facebook.com/rfacambodia
»» យូធូប (YouTube)៖ youtube.com/RFAKhmerVideo
»» ទ្វីតធ័រ (Twitter)៖ twitter.com/RadioFreeAsiaKH
»» តេឡេក្រាម (Telegram)៖ t.me/rfakhmer
»» អ៊ីនស្តាក្រាម (Instagram)៖ instagram.com/rfakhmer
 
#RFAKhmer #Cambodia #China #USA #Taiwan #NancyPelosi
#អាស៊ីសេរី #កម្ពុជា #ចិន #អាមេរិក #តៃវ៉ាន់ #ណេនស៊ីផេឡូស៊ី