រដ្ឋាភិបាលទីម័រខាងកើត (East Timor) ស្នើសុំឲ្យកម្ពុជាគាំទ្រសមាជិកភាពរបស់ខ្លួន ក្នុងសមាគមអាស៊ាន និងគាំទ្រផ្នែកបច្ចេកទេស ដើម្បីត្រៀមខ្លួនចូលជាសមាជិកនៃអង្គការពាណិជ្ជកម្មពិភពលោក (World Trade Organisation -WTO)។
2022-01-29
អ្នកនយោបាយជើងចាស់ និងជាអតីតមន្ត្រីប៉ូលិសជាន់ខ្ពស់ទម្លាយថា លោកនាយករដ្ឋមន្ត្រី ហ៊ុន សែន គឺជាមេខ្លោងដែលបង្កើតឲ្យមានឧក្រិដ្ឋកម្មនយោបាយ ជាច្រើនដូចជាករណីបាញ់សម្លាប់អ្នកនយោបាយប្រឆាំង និងអ្នករិះគន់។ អ្នកនយោបាយរូបនេះ ក៏ទម្លាយរឿងមន្ត្រីនគរបាលជាច្រើនទៀត ជាប់ពាក់ព័ន្ធនឹងអំពើលួចប្លន់ ជួញដូរគ្រឿងញៀន និងពុករលួយជាដើម។ មន្ត្រីរបស់លោក ហ៊ុន សែន ឆ្លើយតបថា ពួកគាត់មិនចាប់អារម្មណ៍ចំពោះការចោទប្រកាន់នេះទេ។
2022-01-29
សម្ព័ន្ធអ្នកសារព័ត៌មានកម្ពុជា ហៅកាត់ថា ខេមបូចា (CamboJA) អំពាវនាវឲ្យតុលាការទម្លាក់ចោលការចោទប្រកាន់លើអ្នកកាសែត និងសហការជាមួយក្រុមអ្នកយកព័ត៌មានដទៃទៀត ដើម្បីដោះស្រាយបញ្ហានានា ក្នុងសង្គម ដូចជា បញ្ហាទំនាស់ដីធ្លី ជាដើម។
2022-01-28
អង្គការលើកលែងទោសអន្តរជាតិ (Amnesty International) បានផ្សាយរបាយការណ៍ស្រាវជ្រាវថ្មីមួយ ដោយរកឃើញថា ការកាប់ឈើខុសច្បាប់ក្នុងតំបន់ព្រៃការពារធម្មជាតិ បង្កើតឱ្យមាន ជាការរំលោភសិទ្ធិមនុស្ស និងលុបបំបាត់ទំនៀមទម្លាប់ជនជាតិដើមភាគតិចនៅកម្ពុជា។
2022-01-28
មន្ត្រីជាន់ខ្ពស់រដ្ឋាភិបាលអះអាងថា រដ្ឋាភិបាលនឹងបញ្ជូនមន្ត្រីជំនាញ រួមទាំងយោធាព្រំដែន ចុះពិនិត្យនៅតំបន់ព្រំដែន ដែលទាហានថៃមកដុតបំផ្លាញស្ពានឈើមួយកន្លែង ក្នុងដីខ្មែរ នាខេត្តប៉ៃលិន ប្រសិនបើជារឿងពិត។
2022-01-28
ស្ថានទូតអាមេរិកប្រចាំនៅភ្នំពេញ បានរៀបចំកម្មវិធីជួបជុំគ្នា ដើម្បីអបអរសាទរនៃទំនាក់ទំនងរវាងសហរដ្ឋអាមេរិក និងកម្ពុជា ហៅកាត់ថា AmCam2022 ដោយមានការទទួលទានម្ហូបអាហារ លេងល្បែងកំសាន្ត និងការប្រគំតន្ត្រីជាដើម។
2022-01-28
ប្រធានសហភាពសហជីពកម្ពុជា លោក រ៉ុង ឈុន ប្រកាសគាំទ្រគណបក្សភ្លើងទៀន ចំពោះការចុះរៀបចំរចនាសម្ព័ន្ធគ្រប់លំដាប់ថ្នាក់ ដើម្បីត្រៀមខ្លួនប្រកួតប្រជែងក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ នាពេលខាងមុខ។
2022-01-28
មន្ត្រីអង្គការសង្គមស៊ីវិលបារម្ភថា គម្រោងធ្វើសេចក្ដីព្រាងច្បាប់ស្ដីពីការប្រឆាំងការជ្រៀតជ្រែកពីបរទេសនឹងធ្វើឲ្យសិទ្ធិសេរីភាពរបស់អង្គការសង្គមស៊ីវិលកាន់តែរួមតូចថែមទៀត។ ឆ្លើយតបនឹងកង្វល់នេះមន្ត្រីរដ្ឋាភិបាលថា សេចក្ដីព្រាងច្បាប់នេះមិនសំដៅលើក្រុមលើណាមួយទេ ប៉ុន្តែធ្វើឡើងលើទិដ្ឋភាពទូទៅ។
2022-01-28
ក្រសួងសុខាភិបាលរកឃើញជំងឺកូវីដ-១៩ ចំនួន ៣៨ករណីថ្មីទៀត ដែលសុទ្ធតែជាមេរោគបំប្លែងខ្លួនថ្មី ឈ្មោះ អូមីក្រុង (Omicron) ក្នុងនោះ ៩នាក់ ជាករណីនាំចូល និង ២៩នាក់ទៀតជាករណីឆ្លងក្នុងសហគមន៍។
2022-01-27
អ្នកជំនាញកិច្ចការអន្តរជាតិលើកឡើងថា លោក ហ៊ុន សែន នឹងមិនសម្រេចផែនការរបស់ខ្លួន ក្នុងការបញ្ចុះបញ្ចូលឲ្យមេដឹកនាំអាស៊ានឲ្យទទួលយកមកដឹកនាំរបបសឹកមីយ៉ាន់ម៉ា ឬភូមា (Myanmar)ឲ្យមកចូលរួមក្នុងកិច្ចប្រជុំកំពូលអាស៊ាននាពេលខាងមុខបានជោគជ័យឡើយ។ ពួកគេលើកឡើងថា បើសិនជាលោក ហ៊ុន សែន នៅតែមានះចង់ឲ្យមេដឹកនាំរដ្ឋប្រហារចូលរួមក្នុងកិច្ចប្រជុំកំពូលអាស៊ាននៅចុងឆ្នាំ២០២២ខាងមុខនោះ កម្ពុជានឹងបរាជ័យក្នុងនាមជាប្រធានប្ដូរវេនអាស៊ាន។
2022-01-27
តុលាការខេត្តត្បូងឃ្មុំសម្រេចដោះលែងសមាជិកក្រុមស្ត្រីថ្ងៃសុក្រ និងជាអ្នកគាំទ្រគណបក្សសង្គ្រោះជាតិ លោកស្រី ខន ទន់ ឱ្យមានសេរីភាពវិញហើយ នៅថ្ងៃទី២៧ មករា ក្រោយពីឃុំឃាំងគាត់ក្នុងពន្ធនាគារគ្រប់ចំនួនកំណត់រយៈពេលមួយឆ្នាំ។
2022-01-27
សាលាដំបូងរាជធានីភ្នំពេញបន្តបើកសវនាការរឿងក្ដីសកម្មជនគណបក្សប្រឆាំងបន្តទៀតនៅព្រឹកថ្ងៃទី២៧ មករា ដោយបន្តបង្ហាញភស្តុតាងជាវីដេអូឃ្លិបពាក់ព័ន្ធនឹងថ្នាក់ដឹកនាំគណបក្សប្រឆាំងប្រជុំបង្កើតចលនាសង្គ្រោះជាតិនៅក្រៅប្រទេសកាលពីឆ្នាំ២០១៨។
2022-01-27
លោក កឹម សុខា ប្រធានគណបក្សសង្គ្រោះជាតិ បន្តជួបជាមួយអង្គទូតប្រទេសប្រជាធិបតេយ្យជាហូរហែ ទោះជារដ្ឋាភិបាលលោក ហ៊ុន សែន មិនទាន់ផ្ដល់សិទ្ធិនយោបាយដល់រូបលោកវិញក៏ដោយ។
2022-01-27
អ្នកជំនាញកិច្ចការបរទេសលើកឡើងថា ករណីរដ្ឋាភិបាលកម្ពុជា ចាយលុយជិត ១លានដុល្លារ ជួលក្រុមហ៊ុនអាមេរិកឲ្យបញ្ចុះបញ្ចូល ឬឲ្យនិយាយល្អពីខ្លួន បានបង្កើតចម្ងល់ដល់សហរដ្ឋអាមេរិកទៅវិញទេ។ ទោះយ៉ាងណា អ្នកនាំពាក្យគណបក្សកាន់អំណាចឆ្លើយតបថា នេះជាការបង្ហាញថា រដ្ឋាភិបាលកម្ពុជាព្យាយាមបង្កើតទំនាក់ទំនងល្អជាមួយអាមេរិក មិនមែនយកអាមេរិកធ្វើសត្រូវនោះទេ។
