ក្រុមមន្ត្រីអង្គការសង្គមស៊ីវិល ចង់ឃើញរដ្ឋាភិបាលគោរពសិទ្ធិមនុស្ស ប្រជាធិបតេយ្យ និងបើកលំហបរិយាកាសនយោបាយឲ្យល្អ តាមការសន្យារបស់ លោក ហ៊ុន សែន ចំពោះមុខរាយការណ៍ពិសេសនៃអង្គការសហប្រជាជាតិប្រចាំកម្ពុជា។ ឆ្លើយតបសំណើនេះ មន្ត្រីរដ្ឋាភិបាល និយាយថា រដ្ឋាភិបាលបំពេញការងាររបស់ខ្លួនតាមច្បាប់ ប៉ុន្តែ មិនធ្វើតាមការនិយាយរបស់មន្ត្រីអង្គការសង្គមស៊ីវិលនោះទេ។
2021-09-22
ក្រុមអង្គការសង្គមស៊ីវិលជំរុញឲ្យរដ្ឋាភិបាលបើកទូលាយសិទ្ធិទទួលបានព័ត៌មានដល់ពលរដ្ឋ និងជនជាតិដើមភាគតិច។ ការជំរុញនេះ ធ្វើឡើងនៅក្នុងកិច្ចប្រជុំមួយដែលមានអ្នកពាក់ព័ន្ធជាង ២៣០នាក់ចូលរួម ក្នុងនោះរួមមានសមាជិកសភា មន្រ្តីរដ្ឋាភិបាល មន្ត្រីសង្គមស៊ីវិល និងតំណាងសហគមន៍នៅតាមបណ្ដាខេត្ត។
2021-09-22
សង្គមស៊ីវិលស្នើឲ្យរដ្ឋាភិបាលបើកចិត្តទូលាយទទួលយកមតិចម្រុះនៅក្នុងសង្គមកម្ពុជាដែលកាន់របបលទ្ធិប្រជាធិបតេយ្យ។ ពួកគេថា ការបញ្ចេញមតិដើម្បីប្រយោជន៍សង្គមមិនគួរក្លាយជាបទល្មើសឡើយ។
2021-09-21
ក្រុមអង្គការសង្គមស៊ីវិល និងបណ្ដាញពលរដ្ឋនាំគ្នាបន្តធ្វើយុទ្ធនាការសប្ដាហ៍ទី៧ ទាមទារឲ្យដោះលែងសកម្មជនបរិស្ថានកំពុងជាប់ឃុំចំនួន៦នាក់។ ចំណែកសាច់ញាតិក៏ទទូចឲ្យសមត្ថកិច្ចដោះលែងយុវជនទាំងអស់ឲ្យមានសេរីភាពវិញ។
2021-09-15
អតីតព្រះសង្ឃខ្មែរក្រោម ប៉ាង សុដា ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារព្រៃសក្រោយអាជ្ញាធរចាប់ផ្សឹក និងបាត់ដំណឹងជិតពីរសប្ដាហ៍។ សមាគមខ្មែរក្រោមដែលតាមដានដំណើររឿងនេះឲ្យដឹងថា ការចាប់ឃុំអតីតសង្ឃរូបនេះពាក់ព័ន្ធការចោទប្រកាន់ថា រារាំងវិធានបង្ការជំងឺកូវីដ-១៩ និងមិនបានអនុត្តតាមសន្យាជាមួយសមត្ថកិច្ច។
2021-09-14
មន្រ្តីឃ្លាំមើលសិទ្ធិមនុស្សអន្តរជាតិ រម្លឹកមន្រ្តីនៃរដ្ឋាភិបាលថៃ ឲ្យប្រកាន់ភ្ជាប់នូវកាតព្វកិច្ចការពារជនភៀសខ្លួនខ្មែរ ដោយមិនត្រូវចូលស៊ងក្នុងល្បិចកលនយោបាយបែបជើងកាងរបស់របបលោក ហ៊ុន សែន នោះឡើយ។
2021-09-13
សាលាក្ដីខ្មែរក្រហម ដែលបើកដំណើរការ ១៥ឆ្នាំ មកហើយនេះ គ្រោងនឹងបិទបញ្ចប់ជាស្ថាពរ នៅចុងឆ្នាំ២០២២ ទាំងសំណុំរឿងនៅមានភាពចម្រូងចម្រាស។ ការបិទបេសកកម្មសាលាក្ដីនេះ គឺបានភ្លើងខៀវពីអង្គការសហប្រជាជាតិ ដែលចេញសេចក្តីសម្រេចមួយ ក្នុងមហាសន្និបាតរបស់ខ្លួន កាលពីដើមខែកក្កដា។
2021-09-13
ក្រុមអង្គការសង្គមស៊ីវិលបន្តធ្វើយុទ្ធនាការក្នុងសប្ដាហ៍ទី៦បន្តទាមទារឲ្យតុលាការដោះលែងមេសហជីពលោក រ៉ុង ឈុន និងយុវជនសង្គមចំនួន៧នាក់ឲ្យមានសេរីភាព ខណៈពួកគាត់ខ្លះកំពុងធ្លាក់ខ្លួនឈឺធ្ងន់ធ្ងរក្នុងពន្ធនាគារ។ អ្នកឃ្លាំមើលជំរុញឲ្យរដ្ឋាភិបាលទម្លាក់បទចោទ និងអន្តរាគមន៍ដោះលែងពួកគាត់វិញដើម្បីបញ្ចៀសការរិះគន់ ថារដ្ឋាភិបាលរំលោភសិទ្ធិមនុស្ស។
2021-09-13
សេរីភាពសារព័ត៌មាននៅកម្ពុជា ត្រូវបានអ្នកជំនាញជាតិ និងអន្តរជាតិ វាយតម្លៃថា បានធ្លាក់ចុះដុនដាបខ្លាំងចាប់តាំងពីចុងឆ្នាំ២០១៧មក ពោលគឺបន្ទាប់ពីរបបលោក ហ៊ុន សែន បានបង្ក្រាបទ្រង់ទ្រាយធំលើស្ថាប័នព័ត៌មានឯករាជ្យ។ មកដល់បច្ចុប្បន្ន សេរីភាពនេះនៅតែទទួលរងការរឹតត្បិត និងគាបសង្កត់ដដែល។ អ្នកសារព័ត៌មាន និងអង្គការសង្គមស៊ីវិលទទូចឱ្យរបបដឹកនាំបច្ចុប្បន្នកែលម្អ និងលើកស្ទួយសេរីភាពនេះ ឱ្យស្របទៅតាមច្បាប់ជាតិ និងអន្តរជាតិ។
2021-09-11
សាច់ញាតិកំពុងពឹងពាក់មេធាវីដាក់ពាក្យស្នើសុំទៅតុលាការដើម្បីអនុញ្ញាតឲ្យប្រធានសហភាពសហជីពកម្ពុជា និងជាតំណាងក្រុមប្រឹក្សាឃ្លាំមើលកម្ពុជាលោក រ៉ុង ឈុន ទទួលបានការសម្រាកព្យាបាលនៅមន្ទីរពេទ្យត្រឹមត្រូវ។ អាជ្ញាធរពន្ធនាគារបញ្ជាក់ថា រយៈពេលនៃការវះកាត់ និងការព្យាបាលនៅមន្ទីរពេទ្យគឺអាស្រ័យខាងគ្រូពេទ្យជាអ្នកវិនិច្ឆ័យ។
2021-09-08
សមាគមខ្មែរក្រោមត្រៀមផ្តល់មេធាវីដើម្បីជួយការពារក្ដីដល់អតីតព្រះចៅអធិការវត្ត វង្សគតបុរីសេរីភ្នំពេញ ខេត្តកំពង់ចាម ព្រះតេជគុណ ប៉ាង សុដា ក្នុងករណីមានការចោទប្រកាន់តាមផ្លូវតុលាការ។ ការឃុំខ្លួន អតីតព្រះចៅអធិការវត្ត វង្សគតបុរីសេរីភ្នំពេញបានបង្កើតនូវមន្ទិលសង្ស័យជាច្រើន ពីចេតនារបស់អាជ្ញាធរដោយសារតែអាជ្ញាធរនៅមិនទាន់បង្ហាញជាសាធារណៈពីបទចោទប្រកាន់ប្រឆាំងលោក ប៉ាង សុដា នៅឡើយទេ។
2021-09-07
សម្ព័ន្ធអ្នកសារព័ត៌មានកម្ពុជា ខេមបូចា (CamboJA) នឹងធ្វើសន្និបាតសមាជិកប្រចាំឆ្នាំរបស់ខ្លួន នៅថ្ងៃទី៩ ខែកញ្ញា ចំខួបពីរឆ្នាំនៃការបង្កើតសម្ព័ន្ធអ្នកសារព័ត៌មាននេះឡើង។ នាយកប្រតិបត្តិនៃសម្ព័ន្ធអ្នកសារព័ត៌មានកម្ពុជា ខេមបូចា (CamboJA) លោក ណុប វី ថ្លែងថា ក្នុងរយៈពេលពីរឆ្នាំកន្លងទៅនេះ បើទោះបីជាខេមបូចាបានសម្រេចកិច្ចការជាច្រើនក្ដី ក៏ខេមបូចាជួបឧបសគ្គមួយចំនួនដែរ។
2021-09-07
សហគមន៍ខ្មែរកម្ពុជាក្រោម បន្តទាមទារឲ្យសមត្ថកិច្ចបង្ហាញទីតាំងនិងដោះលែងអន្ទិត ប៉ាង សុដា ក្រោយពេលសមត្ថកិច្ចខេត្តកំពង់ចាម ចាប់ឃុំខ្លួននិងផ្សឹកតាំងពីថ្ងៃទី២ ខែកញ្ញា។ សំណើនេះធ្វើឡើងដោយសារតែអន្ទិត ប៉ាង សុដា បានចេញខ្លួនមកអះអាងតាមប្រព័ន្ធឃោសនារបស់លោក ហ៊ុន សែនថា លោកបានប្រព្រឹត្តកំហុស ហើយសុខចិត្តសឹក។ ទោះបីជាយ៉ាងណា សហគមន៍ខ្មែរកម្ពុជាក្រោមចាត់ទុកថា ការសារភាពនេះ ជាការរៀបចំ និងធ្វើឡើងដោយបង្ខំ។
2021-09-07
សហការីលោក រ៉ុង ឈុន គ្រោងដាក់លិខិតស្នើសុំឲ្យលោក រ៉ុង ឈុន បាននៅក្រៅឃុំ ជួបជុំក្រុមគ្រួសារ ដើម្បីបានមើលថែជំងឺភ្នែករបស់លោក ព្រោះលោកនឹងត្រូវវះកាត់ព្យាបាលជំងឺភ្នែក។ សមាជិកក្រុមគ្រួសាររបស់លោក រ៉ុង ឈុន ធ្លាប់បញ្ជាក់ថា ភ្នែកខាងស្ដាំរបស់លោក រ៉ុង ឈុន មានអាការៈស្រវាំងខ្លាំង ដែលត្រូវការវ៉ះកាត់ជាចាំបាច់ ដើម្បីព្យាបាល និងដើម្បីកុំឲ្យឆ្លងរាលដាលទៅភ្នែកម្ខាងទៀត។
