សមត្ថកិច្ចខេត្តតាកែវ ដោះលែងអ្នកសារព័ត៌មាន ២នាក់ ក្រោយធ្វើការអប់រំ
2024.05.15
អភិបាលខេត្តតាកែវ លោក អ៊ូច ភា ចូលរួមកម្មវិធីកាកបាទក្រហម កាលពីថ្ងៃទី៧ ខែឧសភា ឆ្នាំ២០២៤។
រូប៖ ហ្វេសប៊ុករដ្ឋបាលខេត្តតាកែវ
សមត្ថកិច្ចខេត្តតាកែវ បានដោះលែងអ្នកសារព័ត៌មាន២នាក់ ក្រោយពីចោទប្រកាន់ថា បានផ្សាយព័ត៌មានខុសពីការពិត ពាក់ព័ន្ធករណីបូមទឹកដាក់ស្រែ នៅស្រុកអង្គរបូរី បន្ទាប់ពីបានធ្វើកិច្ចសន្យាអប់រំ។
ព្រះរាជអាជ្ញាអយ្យការអមសាលាដំបូងខេត្តតាកែវ លោក ឯក ឆេងហួត ប្រាប់កាសែតក្នុងស្រុកហ្វ្រេសញូវ (Fresh News) នៅថ្ងៃទី១៥ ខែឧសភា ថា អ្នកសារព័ត៌មាន ២នាក់នោះ មានម្នាក់ឈ្មោះលួសសេង បានដោះលែងវិញហើយ ក្រោយពីរដ្ឋបាលខេត្ត បានដកពាក្យបណ្ដឹង ពាក់ព័ន្ធនឹងការចោទថា បានផ្សាយព័ត៌មានញុះញង់បង្កឲ្យមានចលាចល។
វិទ្យុអាស៊ីសេរីមិនអាចទាក់ទងលោក លួស សេង ដើម្បីសុំការឆ្លើយបំភ្លឺរឿងចោទប្រកាន់ពីបទផ្សាយព័ត៌មានញុះញង់បង្កឲ្យមានចលាចលនោះបានទ។
ប៉ុន្តែ នាយកប្រតិបត្តិសម្ព័ន្ធសារព័ត៌មានកម្ពុជា លោក ណុប វី ប្រាប់វិទ្យុអាស៊ីសេរីមុនការផ្សាយនេះបន្តិចថា ការចាប់ខ្លួនអ្នកសារព័ត៌មាន មិនមែនជារឿងល្អទេ ព្រោះនាំឲ្យអ្នកសារព័ត៌មានផ្សេងៗ ទៀត មិនហ៊ានចូលរួមផ្សព្វផ្សាយព័ត៌មានអវិជ្ជមានក្នុងសង្គម។
លោក ណុប វី៖ «សំរាប់ខ្ញុំការឃុំឃាំងនិងការចាប់ខ្លួននេះ មិនល្អទេ សំរាប់ការអនុវត្តបន្តទៅមុខទៀត ដោយសារតែធ្វើឲ្យអ្នកសារពត៌មានផ្សេងទៀន មិនហ៊ានចូលផ្សព្វផ្សាយពីបញ្ហាសង្គម ឲ្យថ្នាក់ដឹកនាំបានដឹង។ កាលណាមិនហ៊ានទទួលយកចំណុចអវិជ្ជមាន ដើម្បីយកផ្សព្វផ្សាយ ដោះស្រាយផ្ទៀងផ្ទាត់ទេ នាំឲ្យប៉ះពាល់ដល់ការជំរុញអភិបាលកិច្ចល្អ ដែលជាការប្តេជ្ញារបស់រដ្ឋាភិបាល»។
អ្នកសារពត៌មាន ២រូបនេះ បានរាយការណ៍ និងផ្សព្វផ្សាយជាវីដេអូ ករណីគ្មានទឹកក្នុងស្រែនៅស្រុកអង្គរបូរី ហើយម្ចាស់ស្ថានីយ៍បូមទឹក ៧មករា ឃុំបាស្រែ បានយកថ្លៃសេវាទឹក តម្លៃ ៣០ម៉ឺនរៀល ក្នុងមួយហិកតារ ក៏ប៉ុន្តែមិនព្រមបូមទឹកជូនកសិករធ្វើស្រែ នៅភូមិទួលសាំង ឃុំអង្គរបូរី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សមត្ថកិច្ចចាប់ខ្លួនជំនួយការផ្ទាល់របស់លោក ហ៊ុន សែន គឺលោក ដួង តារា ស្ងាត់ៗ
- ប្រធានព្រឹទ្ធសភា លោក ហ៊ុន សែន ចោទទីប្រឹក្សារបស់លោកថា បានយកឈ្មោះលោកទៅបោកប្រាស់អ្នកដទៃ
- APHR ជំរុញឱ្យកម្ពុជាដោះលែងពលករខ្មែរ នួន តឿន និងអ្នកកាសែត លោក ម៉ិច ដារ៉ា
- ក្រុមឆបោកតាមអនឡាញនៅខេត្តជាប់ព្រំដែនថៃ និងវៀតណាម «រីករាលដាលខ្លាំង»
- អ្នកឃ្លាំមើលសង្គមបារម្ភថា ក្រុម Hacker កូរ៉េខាងជើងចូលលួចយកទិន្នន័យក្នុងស្ថាប័ននៅកម្ពុជាប៉ះពាល់ដល់សន្តិសុខជាតិ
អត្ថបទពេញនិយម
សិទ្ធិមនុស្ស
- អ្នកសារព័ត៌មានក្នុងស្រុក និងក្រៅប្រទេសអំពាវនាវឱ្យតុលាការទម្លាក់បទចោទប្រកាន់ និងដោះលែងលោក ម៉ិច ដារ៉ា ឱ្យមានសេរីភាព
- អ្នកឃ្លាំមើលថា ការចាប់ខ្លួនលោក ម៉ិច ដារ៉ា នឹងកាន់តែធ្វើឱ្យរដ្ឋាភិបាលមានកេរ្តិ៍ឈ្មោះមិនល្អ និងប្រឈមទណ្ឌកម្ម
- ស្ថានទូតបារាំងព្រួយបារម្ភអំពីការចាប់ខ្លួន និងចំណាត់ការផ្លូវច្បាប់លើអ្នកសារព័ត៌មាន លោក ម៉ិច ដារ៉ា
- មន្ត្រីពន្ធនាគារខេត្តពោធិ៍សាត់ មិនអនុញ្ញាតឲ្យមិត្តភក្ដិសួរសុខទុក្ខកញ្ញា ភួន កែវរស្មី