ខ្មែរក្រហម

(ឆ្វេង) លោក យឹម ទិត្យ អតីលេខាតំបន់ ១៣ (ខេត្តតាកែវ) ភូមិភាគនិរតី ដែលមានទីតាំងសម្លាប់មនុស្សរាប់ម៉ឺននាក់ ឈ្មោះ គុកតក្រាំងតាចាន់ នៅក្នុងរបបកម្ពុជាប្រជាធិបតេយ្យ។ (ស្ដាំ) សាលសវនាការរបស់សាក្ដីខ្មែរក្រហម (អ.វ.ត.ក)

តុលាការកំពូលនៃសាលាក្ដីខ្មែរក្រហម បដិសេធសំណើសុំកាត់ទោសលោក យឹម ទិត្យ

អង្គជំនុំជម្រះតុលាការកំពូលនៃសាលាក្ដីខ្មែរក្រហម បានបដិសេធសំណើសុំកាត់ទោសលោក យឹម ទិត្យ។ ស្ថាប័នតុលាការកំពូលនេះ លើកឡើងនៅក្នុងសេចក្ដីប្រកាសព័ត៌មាន កាលពីថ្ងៃទី២៨ ខែធ្នូថា ខ្លួនសម្រេចជាឯកច្ឆន្ទ បដិសេធសំណើរបស់សហព្រះរាជអាជ្ញាអន្តរជាតិ ដែលសុំបញ្ជូនសំណុំរឿងនេះទៅជំនុំជម្រះ។

សំណុំរឿងលោក មាស មុត ត្រូវបិទបញ្ចប់ ទាំងភាគីនៅមិនទាន់អស់ចិត្ត

2021-12-20

សហព្រះរាជអាជ្ញាអន្តរជាតិ នៃសាលាក្ដីខ្មែរក្រហម នៅមិនអស់ចិត្តនឹងសេចក្ដីសម្រេចរបស់អង្គជំនុំជម្រះតុលាការកំពូល ដែលកាលពីថ្ងៃទី១៧ ខែធ្នូ សម្រេចសេចក្ដីចុងក្រោយ និងបិទផ្លូវតវ៉ាថា សំណុំរឿង ០០៣ ពាក់ព័ន្ធនឹងអតីតកម្មាភិបាលខ្មែរក្រហមលោក មាស មុត ត្រូវបានបិទបញ្ចប់ត្រឹមនេះ។

សាលាក្ដីខ្មែរក្រហមបោះពុម្ពផ្សាយសេចក្តីសម្រេច ដែលចងក្រងរយៈពេល ១៤ ឆ្នាំ

2021-12-08

អង្គបុរេជំនុំជម្រះនៃសាលាក្ដីខ្មែរក្រហម បានបោះពុម្ពផ្សាយសេចក្តីសម្រេចជាង ២៦០ ដែលចងក្រងរយៈពេល ១៤ ឆ្នាំ ជាលើកទីមួយ។ ប៉ុន្តែ មានតែជាភាសាអង់គ្លេស និងបារាំង ប៉ុន្តែគ្មានភាសាខ្មែរទេ។

សាលាក្តីខ្មែរក្រហមនឹងប្រកាសសាលដីកាលើបណ្តឹងសាទុក្ខរបស់លោកខៀវ សំផន នៅឆ្នាំក្រោយ

2021-08-19

តុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានបញ្ចប់សវនាការលើបណ្ដឹងសាទុក្ខក្នុងសំណុំរឿង ០០២/០២ ប្រឆាំងជនជាប់ចោទ ខៀវ សំផន នៅថ្ងៃទី១៩ ខែសីហា ម្សិលមិញ។ សាលដីកានៃសវនាការនេះនឹងប្រកាសក្នុងនៅឆ្នាំ២០២២ ខាងមុខ។ ក្រោយបិទបញ្ចប់បណ្តឹងសាទុក្ខនេះ សហព្រះរាជអាជ្ញាជាតិ ថាសាលាក្តីនេះ បានរកយុត្តិធម៌ជូនជនរងគ្រោះនៃរបបខ្មែរក្រហម។ ប៉ុន្តែសហមេធាវីលោក ខៀវ សំផន ថាយុត្តិធម៌ត្រូវតែមានចំពោះជនជាប់ចោទដែរ មិនមែនសម្រាប់តែជនរងគ្រោះនោះទេ ដើម្បីឱ្យស្របទៅតាមច្បាប់ ហើយស្នើសុំតុលាការមោឃភាពសាលក្រមរបស់សាលាដំបូងដែលបានកាត់ទោសលោក ខៀវ សំផន ដាក់ពន្ធនាគារអស់មួយជីវិត។

អ្នកស្រាវជ្រាវប្រវត្តិសាស្រ្តខ្មែរក្រហមថា សហមេធាវី ខៀវ សំផន សុំមោឃៈភាពការផ្ដន្ទាទោសកូនក្ដីមួយជីវិតជារឿងប្រមាថជនរងគ្រោះ

2021-08-17

អង្គជំនុំជម្រះតុលាការកំពូលនៃអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) បានបន្ដបើកសវនាការលើបណ្ដឹងសាទុក្ខក្នុងសំណុំរឿង ០០២/០២ ប្រឆាំងជនជាប់ចោទ ខៀវ សំផន នៅថ្ងៃទី២ ត្រូវនឹងថ្ងៃទី១៧ ខែសីហានេះ។ សវនាការថ្ងៃទី២នេះ សហមេធាវីលោក ខៀវ សំផន ស្នើឲ្យតុលាការកំពូលទម្លាក់ចោលសាលក្រមដែលផ្ដន្ទោទោស លោក ខៀវ សំផន មួយជីវិត។ តែអ្នករងគ្រោះនៅក្នុងរបបខ្មែរក្រហមអះអាងថា ការការពារកូនក្ដី គឺជាសិទ្ធិរបស់សហមេធាវី ក៏ប៉ុន្តែការពិតនៅតែជាការពិត ដែលមិនអាចប្រកែកបាន គឺលោក ខៀវ សំផន ជាមេដឹកនាំបាតដៃប្រឡាក់ឈាម។

មន្រ្តីឃ្លាំមើលសាលាក្ដីខ្មែរក្រហមនិងអ្នកច្បាប់ មិនភ្ញាក់ផ្អើលនឹងភាពជាប់គាំងនៃសំណុំរឿងនៅតុលាការកូនកាត់នេះ

2021-07-19

មន្រ្តីឃ្លាំមើលសាលាក្ដីខ្មែរក្រហម និងអ្នកច្បាប់ មិនភ្ញាក់ផ្អើលនឹងការអូសបន្លាយពេលយូរ និងភាពជាប់គាំង នៃសំណុំរឿងនៅតុលាការកូនកាត់នេះទេ ព្រោះពួកគាត់យល់ថា ការបង្កើតយន្តការឲ្យមានរចនាសម្ព័ន្ធសហចៅក្រម និងសហព្រះរាជអាជ្ញា និងរបៀបនៃការសម្រេចចិត្ត ដែលតម្រូវឲ្យមានសំឡេងពីភាគីជាតិ និងអន្តរជាតិនេះ គឺជាមូលហេតុដែលនាំឲ្យមុជមិនជ្រៅ ទៅមិនឆ្ងាយបែបនេះ។

ចៅក្រមស៊ើបអង្កេតនៃសាលាក្ដីខ្មែរក្រហម ទាត់ចោលសំណើសហព្រះរាជអាជ្ញាអន្តរជាតិ ដែលស្នើបញ្ជូនរឿងលោក មាស មុត ទៅជំនុំជម្រះ

2021-05-20

សហចៅក្រមស៊ើបអង្កេតនៃសាលាក្ដីខ្មែរក្រហមទាំងជាតិ និងអន្តរជាតិ ទាត់ចោលសំណើសហព្រះរាជអាជ្ញាអន្តរជាតិ ដែលស្នើបញ្ជូនរឿងលោក មាស មុត ទៅជំនុំជម្រះ។

អ្នកឆ្លងកាត់របបខ្មែរក្រហម រំឭកថ្ងៃ១៧ មេសា ១៩៧៥ ដែលក្រុងភ្នំពេញ ធ្លាក់ក្នុងដៃខ្មែរក្រហម

2021-04-17

ប្រជាពលរដ្ឋមួយចំនួននៅរាជធានីភ្នំពេញ ទំនងជាកំពុងព្រួយបារម្ភអំពីជីវិត និងជីវភាពរស់នៅ ដោយសារតែការរីករាលដាលនៃជំងឺកូវីដ-១៩ និងការបិទទីក្រុងទាំងមូលនៅពេលនេះ។ ប៉ុន្តែកាលពី៤៦ ឆ្នាំមុនវិញ នេះគឺជាពេលវេលាចលាចលខ្លាំងបំផុត ដោយសារតែការមកដល់នៃកងទ័ពខ្មែរក្រហមចូលក្នុងទីក្រុងភ្នំពេញ។

ព្រឹត្តិការណ៍ប្រឈមមុខដាក់គ្នារវាងស្ថានទូតបារាំង និងខ្មែរក្រហម កាលពី ៤៦ឆ្នាំមុន

2021-04-15

កាលពី ៤៦ឆ្នាំមុន គឺនៅពេលកងទ័ពព្រៃខ្មែរក្រហម ឈ្នះសង្គ្រាមលើរបបសាធារណរដ្ឋខ្មែរ និងដណ្ដើមបានទីក្រុងភ្នំពេញ នៅថ្ងៃទី១៧ មេសា ឆ្នាំ១៩៧៥ ពួកគេបានបណ្ដេញមនុស្សទាំងអស់ចេញពីទីក្រុងឱ្យទៅរស់នៅទីជនបទ។ ក្នុងគ្រាដ៏ច្របូកច្របល់នោះ ប្រជាពលរដ្ឋខ្មែរ និងជនបរទេស សរុប ១.៣០០នាក់ នាំគ្នាសម្រុកចូលទៅជ្រកក្នុងស្ថានទូតបារាំង ប្រចាំនៅទីក្រុងភ្នំពេញ។ ប៉ុន្តែ ក្រោមសម្ពាធរបស់ខ្មែរក្រហម ស្ថានទូតបារាំងបានបង្ខំឱ្យប្រជាពលរដ្ឋខ្មែរទាំងអស់ចាកចេញពីស្ថានទូតរបស់ខ្លួន។ ក្នុងចំណោមអ្នកចូលទៅជ្រកកោនទាំងនោះ ក៏មានមន្ត្រីជាន់ខ្ពស់នៃរបប លន់ នល់ ជាច្រើនរូបផង ដែលក្រោយមក ពួកគេត្រូវបានខ្មែរក្រហមយកទៅសម្លាប់។

ព្រះរាជអាជ្ញាជាតិនិងអន្តរជាតិនៃសាលាក្ដីខ្មែរក្រហមបន្តខ្វែងយោបល់គ្នាទៀតរឿងកាត់ឬមិនកាត់ទោសលោកមាស មុត

2021-04-14

ព្រះរាជអាជ្ញាខាងភាគីជាតិនិងភាគីអន្តរជាតិនៃសាលាក្ដីខ្មែរក្រហមបន្តខ្វែងយោបល់គ្នាទៀត រឿងកាត់ទោសឬមិនកាត់ទោសអតីតកម្មាភិបាលខ្មែរក្រហមលោកមាស មុត។ ស្របពេលជាមួយគ្នានេះ ជនរងគ្រោះដោយរបបខ្មែរក្រហមកំពុងធ្វើយុទ្ធនាការទាមទារឲ្យវិចិត្រករបរទេសម្នាក់ដែលកែរូបថតអ្នកជាប់ឃុំនៅគុកទួលស្លែង។

អ្នកច្បាប់ថា សេចក្តីសម្រេចរបស់សាលាក្ដីខ្មែរក្រហមធ្វើឲ្យអតីតកម្មាភិបាលខ្មែរក្រហមលោក មាស មុត រួចខ្លួនពីការកាត់ទោស

2021-04-08

មេធាវីការពារក្តីឲ្យអតីតមេដឹកនាំខ្មែរក្រហមមួយរូបឲ្យដឹងថា សេចក្តីសម្រេចខ្វែងយោបល់គ្នានៅសាលាក្ដីខ្មែរក្រហម រវាងសហចៅក្រមស៊ើបអង្កេតជាតិ និងអន្តរជាតិ បានប្រយោជន៍ដល់អតីតកម្មាភិបាលខ្មែរក្រហម លោក មាស មុត ក្នុងសំណុំរឿង០០៣។ ការលើកឡើងនេះ ក្រោយដែលអង្គបុរេជំនុំជម្រះនៃសាលាក្ដីខ្មែរក្រហមប្រកាសថា អង្គបុរេបានសម្រេចបិទផ្លូវតវ៉ាដោយមិនបញ្ជូនសំណុំរឿងលោក មាស មុត ទៅជំនុំជម្រះទេ ដោយអនុលោមតាមវិធានផ្ទៃក្នុងរបស់តុលាការខ្មែរក្រហម។

សាលាក្ដីខ្មែរក្រហមនឹងសម្រេចលើបណ្តឹងរបស់អតីតកម្មាភិបាលខ្មែរក្រហមលោក មាស មុត នៅថ្ងៃទី៧ខែមេសា

2021-04-06

រឿងក្ដីដ៏ចម្រូងចម្រាសពាក់ព័ន្ធនឹងការខ្វែងយោបល់គ្នារវាងភាគីជាតិ និងភាគីអន្តរជាតិនៅសាលាក្ដីខ្មែរក្រហមរឿងបញ្ជូន ឬមិនបញ្ជូនសំណុំរឿងលោក មាស មុត ទៅជំនុំជម្រះនោះ នឹងឃើញសខ្មៅនៅថ្ងៃទី៧ ខែមេសានេះ។

ជីវប្រវត្តិលោក ខៀវ សំផន ប្រធានគណៈប្រធានរដ្ឋសម័យខ្មែរក្រហម

2020-12-09

លោក ខៀវ សំផន ជាបញ្ញវន្តខ្មែរមួយរូប បានរៀនចប់ថ្នាក់បណ្ឌិតផ្នែកសេដ្ឋកិច្ចនៅប្រទេសបារាំង។ លោកធ្លាប់ជាប់ជាសមាជិកសភាតំណាងរាស្ត្រ ពីរអាណត្តិក្នុងសម័យសង្គមរាស្ត្រនិយម។

បទសម្ភាសន៍ជាមួយលោក ប្រ៊ែដ អាដាម ជុំវិញការស្លាប់របស់ ឌុច និងកេរដំណែលសាលាក្ដីខ្មែរក្រហម

2020-09-04

មន្ត្រីឃ្លាំមើលសិទ្ធិមនុស្សអន្តរជាតិ ចាត់ទុកអតីតមេគុកទួលស្លែងលោក កាំង ហ្កេកអ៊ាវ ហៅ ឌុច ថាជាកម្មាភិបាលខ្មែរក្រហមលើកដំបូង ដែលហ៊ានសារភាពប្រាប់អំពីតួនាទីរបស់ខ្លួន។ ប៉ុន្តែ មន្រ្តីរូបនេះ នៅតែចាត់ទុកថា សាលាក្តីខ្មែរក្រហមមិនអាចរកយុត្តិធម៌ ជូនអ្នករងគ្រោះនៃរបបខ្មែរក្រហមបានទេ ដោយសារតែរដ្ឋាភិបាលកម្ពុជា ដឹកនាំដោយអតីតកម្មាភិបាលខ្មែរក្រហម។

មើលព័ត៌មានចាស់ៗ >>

អគ្គលេខាធិការអង្គការសហប្រជាជាតិ អំពាវនាវដល់អាជ្ញាធររដ្ឋឈប់ការបំភិតបំភ័យប្រឆាំងនឹងអ្នកធ្វើការជាមួយ UN

អត្ថបទសម្រាំង

ក្លឹបបាល់ទាត់បារាំង គ្រោងដាក់ពាក្យប្ដឹងសែស្រឡាយរាជវង្សខ្មែរម្នាក់ពីបទក្លែងបន្លំឯកសារ និងប៉ុនប៉ងឆបោក

បទវិភាគ៖ តើអាស៊ានត្រូវពិចារណាជាថ្មីឡើងវិញលើគោលការណ៍អាស៊ានដែរឬទេ?

បទវិភាគ៖ តើច្បាប់ប្រឆាំងកូវីដ១៩ នឹងអាចទប់កុំឱ្យជំងឺនេះឆ្លងរាលដាលបានដែរទេ?