មន្ត្រីអង្គការសង្គមស៊ីវិលបារម្ភថា គម្រោងធ្វើសេចក្ដីព្រាងច្បាប់ស្ដីពីការប្រឆាំងការជ្រៀតជ្រែកពីបរទេសនឹងធ្វើឲ្យសិទ្ធិសេរីភាពរបស់អង្គការសង្គមស៊ីវិលកាន់តែរួមតូចថែមទៀត។ ឆ្លើយតបនឹងកង្វល់នេះមន្ត្រីរដ្ឋាភិបាលថា សេចក្ដីព្រាងច្បាប់នេះមិនសំដៅលើក្រុមលើណាមួយទេ ប៉ុន្តែធ្វើឡើងលើទិដ្ឋភាពទូទៅ។
2022-01-22
លោក សម រង្ស៊ី ប្រធានស្ដីទីគណបក្សសង្គ្រោះជាតិ រំលឹកថា តុលាការប្រទេសបារាំង បានចេញដីកាតាមចាប់ខ្លួនមេកងអង្គរក្សលោក ហ៊ុន សែន គឺលោក ហ៊ីង ប៊ុនហៀង និងលោក ហ៊ុយ ពិសិដ្ឋ និងត្រៀមខ្លួនចាប់លោក ហ៊ុន សែន នៅពេលអស់អំណាច ករណីគប់គ្រាប់បែកសម្លាប់មនុស្សកាលពីឆ្នាំ១៩៩៧។ ទោះជាយ៉ាងណាក្ដី មន្ត្រីបក្សកាន់អំណាចថា ការសម្រេចណាមួយរបស់តុលាការបារាំង គ្មានសិទ្ធិអំណាចមកលើមេដឹកនាំកម្ពុជានោះទេ។
2021-12-03
ខ្មែរនៅអូស្ត្រាលីស្វាគមន៍ និងគាំទ្ររដ្ឋាភិបាល អូស្ត្រាលី ដែលបានអនុម័តច្បាប់ដាក់ទណ្ឌកម្មក្រុមមេដឹកនាំរំលោភសិទ្ធិមនុស្ស ប្រព្រឹត្តអំពើពុករលួយធ្ងន់ធ្ងរ និងបង្កគ្រោះថ្នាក់ដល់ពិភពលោក។ ទោះយ៉ាងណាអ្នកនាំពាក្យបក្សកាន់អំណាចរំពឹងថា ច្បាប់នេះមិនប៉ះពាល់ដល់មេដឹកនាំ ឬមន្ត្រីកម្ពុជានោះទេ។
2021-11-25
រដ្ឋសភាគណបក្សប្រជាជនកម្ពុជាបានសម្រេចជ្រើសតាំងលោក ជាម យៀប ជាអនុប្រធានទី១ នៃរដ្ឋសភាជាផ្លូវការហើយ នៅព្រឹកថ្ងៃទី២៥ ខែវិច្ឆិកា ឆ្នាំ២០២១នេះ។ លោក ជាម យៀប ដែលជាតំណាងរាស្ត្រមណ្ឌលខេត្តព្រៃវែង ចូលកាន់តំណែងនេះជំនួសលោក ងួន ញ៉ិល ដែលបានទទួលមរណភាពកាលពីថ្ងៃទី ៥ ខែវិច្ឆិកាកន្លងទៅ។
2021-11-16
រដ្ឋសភានឹងបើកកិច្ចប្រជុំនៅថ្ងៃទី២៥ ខែវិច្ឆិកា ដើម្បីបោះឆ្នោតជ្រើសរើសលោក ជាម យៀប ជាអនុប្រធានទី១រដ្ឋសភា ជំនួសលោក ងួន ញ៉ិល ដែលបានទទួលមរណភាព។ មន្ត្រីជាន់ខ្ពស់នៃគណបក្សប្រជាជនមួយចំនួនបានសាទរ។ ប៉ុន្តែកន្លងមក លោកធ្លាប់មានកេរ្តិ៍ឈ្មោះមិនល្អ ទាក់ទងនឹងករណីបង្កគ្រោះថ្នាក់ចរាចរណ៍ ដែលអ្នកបើករថយន្តរបស់លោក បានបើកបុកមនុស្ស ហើយបើករត់គេចខ្លួន។
2021-11-12
តុលាការរបបក្រុងភ្នំពេញ បានដោះលែងសកម្មជនសង្គម បរិស្ថាន និងសកម្មជននយោបាយ ចំនួន ១៨នាក់ រាប់ទាំងលោក រ៉ុង ឈុន ផង ចេញពីពន្ធនាគារហើយ កាលពីថ្ងៃទី១២ ខែវិច្ឆិកា បន្ទាប់ពីពួកគាត់ជាប់ពន្ធនាគារចន្លោះពីជាង ១០ខែទៅជាង ១៥ខែ។
2021-11-12
តុលាការរបបក្រុងភ្នំពេញបានដោះលែងលោក រ៉ុង ឈុន និងសកម្មជនសង្គម សកម្មជននយោបាយមួយចំនួនពីពន្ធនាគារហើយ នៅថ្ងៃទី១២ ខែវិច្ឆិកា បន្ទាប់ពីពួកគាត់ជាប់ពន្ធនាគារចន្លោះពីជាង១០ខែទៅជាង១៥ខែ។ ប៉ុន្តែលោក រ៉ុង ឈុន និងសកម្មជនមួយចំនួន រិះគន់ថា ការដោះលែងភ្ជាប់ជាមួយលក្ខខណ្ឌតឹងរ៉ឹង ជាច្រើននេះ នៅតែអយុត្តិធម៌សម្រាប់ពួកគាត់។
2021-11-11
អគ្គនាយកនៃអគ្គនាយកដ្ឋានសម្ភារៈបច្ចេកទេសនៃក្រសួងការពារជាតិ នាយឧត្ដមសេនីយ៍ ចៅ ភិរុណ បដិសេធថា លោកមិនបានប្រព្រឹត្តអំពើពុករលួយក្នុងគម្រោងអភិវឌ្ឍកំពង់ផែកងទ័ពជើងទឹករាមនៅខេត្តព្រះសីហនុ ដូចតាមការចោទប្រកាន់របស់សហរដ្ឋអាមេរិក ដែលទើបនឹងដាក់ទណ្ឌកម្មមកលើរូបលោកនោះទេ។
2021-11-11
តំណាងបក្សកាន់អំណាចប្រតិកម្មថា ការដាក់ទណ្ឌកម្មរបស់ក្រសួងរតនាគារអាមេរិកលើមន្ត្រីយោធាជាន់ខ្ពស់កម្ពុជាពីររូបនោះ មិនឆ្លុះបញ្ចាំងការពិតឡើយ។ ក៏ប៉ុន្តែរដ្ឋាភិបាលក៏គ្មានបំណងស៊ើបអង្កេតករណីពុករលួយពាក់ព័ន្ធនឹងមន្ត្រីទាំងនោះដែរ។ មន្ត្រីជាន់ខ្ពស់បក្សប្រឆាំង និងអ្នកសិក្សាស្រាវជ្រាវយល់ថា នេះជាករណីអំពើពុករលួយធ្ងន់ធ្ងរ ដែលប៉ះពាល់ដល់មុខមាត់ និងផលប្រយោជន៍ជាតិ ដូច្នេះរដ្ឋាភិបាលកម្ពុជាគួរតែស៊ើបអង្កេត និងបញ្ជាក់រឿងនេះឱ្យបានច្បាស់។
2021-11-10
សហរដ្ឋអាមេរិក នៅថ្ងៃទី១០ ខែវិច្ឆិកា ប្រកាសដាក់ទណ្ឌកម្មមន្ត្រីយោធាជាន់ខ្ពស់កម្ពុជាពីររូប រឿងពុករលួយពាក់ព័ន្ធនឹងគម្រោងសាងសង់ និងកែលម្អកំពង់ផែកងទ័ពជើងទឹករាមនៅក្រុងព្រះសីហនុ។ មន្ត្រីយោធាទាំងពីររូបនោះ រួមមាន នាយឧត្ដមសេនីយ៍ ចៅ ភិរុណ ដែលមានតួនាទីជាអគ្គនាយកនៃនាយកដ្ឋានសម្ភារៈបច្ចេកទេសនៃក្រសួងការពារជាតិ និងនាយឧត្ដមនាវី ទៀ វិញ ដែលមានតួនាទីជាអគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងទឹក។
2021-11-10
អង្គការសង្គមស៊ីវិល និងមន្ត្រីជាន់ខ្ពស់បក្សប្រឆាំងជំរុញឱ្យស្ថាប័នតុលាការពន្លឿននីតិវិធីគ្រប់ដំណាក់កាល តាមសេចក្ដីណែនាំរបស់ក្រសួងយុត្តិធម៌។ ជាមួយគ្នានេះ ពួកគេស្នើដល់អាជ្ញាធរពិចារណាឱ្យបានគ្រប់ជ្រុងជ្រោយអមជាមួយភស្តុតាងរឹងមាំ មុននឹងសម្រេចចោទប្រកាន់ពលរដ្ឋណាម្នាក់ ដើម្បីកុំឱ្យមានភាពអយុត្តិធម៌កើតឡើងលើពួកគាត់។
2021-11-02
គណៈកម្មការជំនាញនៃព្រឹទ្ធសភានឹងថ្វាយសេចក្ដីព្រាងច្បាប់ ស្ដីពីសញ្ជាតិតែមួយ ទៅព្រះមហាក្សត្រឡាយព្រះហស្តលេខា នៅថ្ងៃទី៣ វិច្ឆិកា ដើម្បីដាក់ឲ្យប្រើប្រាស់ជាផ្លូវការ។
2021-10-31
មន្ត្រីជាន់ខ្ពស់រដ្ឋាភិបាលកម្ពុជាប្រតិកម្មថា សេចក្តីស្នើច្បាប់របស់ក្រុមសមាជិកព្រឹទ្ធសភាសហរដ្ឋអាមេរិកដែលចង់ដាក់ទណ្ឌកម្មមន្ត្រីកម្ពុជានោះ គឺជាឧបករណ៍ភូមិសាស្ត្រនយោបាយ។ ការលើកឡើងបែបនេះ គឺបន្ទាប់ពីសមាជិកព្រឹទ្ធសភាអាមេរិក ៦រូប ទើបបានបញ្ជូនជាផ្លូវការនូវខ្លឹមសារនៃសេចក្ដីស្នើច្បាប់ស្ដីពីលទ្ធិប្រជាធិបតេយ្យ និងសិទ្ធិមនុស្សកម្ពុជាឆ្នាំ២០២១ ឬ S.3052 ទៅឱ្យគណៈកម្មាធិការកិច្ចការបរទេសនៃព្រឹទ្ធសភាអាមេរិក ដើម្បីពិនិត្យ។ អ្នកតាមដានស្ថានការណ៍នយោបាយយល់ថា ដើម្បីគេចផុតពីច្បាប់ដាក់ទណ្ឌកម្មនេះ រដ្ឋាភិបាលត្រូវតែស្ដារលទ្ធិប្រជាធិបតេយ្យ និងគោរពសិទ្ធិមនុស្សឱ្យបានពេញលេញ។
2021-10-25
តំណាងរាស្ត្របក្សប្រឆាំង រិះគន់ថា រដ្ឋសភាឯកបក្ស កែរដ្ឋធម្មនុញ្ញដោយឥតប្រយោជន៍ ព្រោះតែមិនហ៊ានជំទាស់ចិត្តលោក ហ៊ុន សែន។ អ្នកវិភាគបារម្ភថា ការកែច្បាប់ក្នុងរូបភាពសងសឹកគ្នានេះ នឹងបណ្ដាលឱ្យជាតិកាន់តែបែកបាក់ទៅ។
