លោក ហ៊ុន ម៉ាណែត ថា «គ្មានផែនការវេចបង្វេចនាំកូននាំចៅទៅក្រៅប្រទេសទេ!»
2024.08.14
លោកនាយករដ្ឋមន្ត្រី ហ៊ុន ម៉ាណែត និងប្រធានព្រឹទ្ធសភា លោក ហ៊ុន សែន។
រូប៖ ហ្វេសប៊ុកលោក ហ៊ុន សែន និងលោក ហ៊ុន ម៉ាណែត
ការវិវត្តន៍នៃព្រឹត្តិការណ៍ចុងក្រោយនៅប្រទេសបង់ក្លាដេស្ហ (Bangladesh) បានធ្វើឱ្យលោកនាយករដ្ឋមន្ត្រី ហ៊ុន ម៉ាណែត ព្រមានប្រើវិធីផ្ដាច់ការបង្ក្រាបពលរដ្ឋខ្មែរទាំងឡាយណាដែលហ៊ានធ្វើបាតុកម្មទម្លាក់រដ្ឋាភិបាលរបស់លោកដោយយកគំរូតាមប្រទេសបង់ក្លាដេស្ហ។ លោកប្រមាថការតស៊ូរបស់ប្រជាពលរដ្ឋបង់ក្លាដេស្ហថា ជាការដុតប្រទេសឱ្យធ្លាក់ចូលក្នុងវិបត្តិ ខណៈលោកមិនបានលើកឡើងពីវិបត្តិពុករលួយ បក្ខពួកនិយមចាក់ស្រេះបង្កឡើងដោយក្រុមមេដឹកនាំនៃប្រទេសនេះឡើយ ដែលបានបណ្ដាលឱ្យពលរដ្ឋរងទុក្ខវេទនា និងរស់នៅក្នុងភាពក្រីក្រតោកយ៉ាក។ ទន្ទឹមគ្នានេះ ឪពុករបស់លោក គឺលោក ហ៊ុន សែន ក៏បានរំលោភអំណាចនាយករដ្ឋមន្ត្រីជាកូន ចេញមុខព្រមានបង្ក្រាប និងកម្ចាត់ក្រុមអ្នកហ៊ានងើបតវ៉ានៅកម្ពុជា ដែលលោកចោទថាជាក្រុមប្រឆាំងជ្រុលនិយម «ទោះក្នុងតម្លៃណាក៏ដោយ»។ ទោះយ៉ាងណា លោក ហ៊ុន ម៉ាណែត អះអាងថា គ្រួសាររបស់លោក «គ្មានផែនការវេចបង្វេចនាំកូននាំចៅទៅក្រៅប្រទេសទេ»។
ក្នុងរយៈពេលមិនដល់ជាង២ឆ្នាំមកនេះ ក្នុងតំបន់អាស៊ី យ៉ាងហោចណាស់មានមេដឹកនាំ២នាក់ហើយដែលគ្រប់គ្រងប្រទេសតាមបែបផ្ដាច់ការ កណ្ដាប់ដៃដែក គ្រួសារបក្ខពួកនិយមតពូជ និងពុករលួយ ត្រូវបានប្រជាជនខ្លួនឯងទម្លាក់ចេញពីអំណាចជាបន្តបន្ទាប់។ ពួកគេ ត្រូវបង្ខំចិត្តវេចបង្វេចរត់ចោលស្រុកស្ទើរមិនទាន់។
នោះគឺអតីតប្រធានាធិបតីនៃប្រទេសស្រីលង្កា (Sri Lanka) លោក ហ្គោតាបាយ៉ា រ៉ាចាប៉ាក់សា (Gotabaya Rajapaksa) នៅខែកក្កដា ឆ្នាំ២០២២ និងអតីតនាយករដ្ឋមន្ត្រីនៃប្រទេសបង់ក្លាដេស្ហ (Bangladesh) គឺអ្នកស្រី សេក្ខ ហាស៊ីណា (Sheikh Hasina) នៅខែសីហា ឆ្នាំ២០២៤។
ការវិវត្តន៍នៃព្រឹត្តិការណ៍ចុងក្រោយនៅប្រទេសបង់ក្លាដេស្ហនេះ បានធ្វើឱ្យលោកនាយករដ្ឋមន្ត្រី ហ៊ុន ម៉ាណែត ព្រមានប្រើវិធីផ្ដាច់ការបង្ក្រាបពលរដ្ឋខ្មែរទាំងឡាយណាដែលហ៊ានធ្វើបាតុកម្មទម្លាក់រដ្ឋាភិបាលរបស់លោកដោយយកគំរូតាមប្រទេសបង់ក្លាដេស្ហ។ លោក ហ៊ុន ម៉ាណែត ប្រមាថការតស៊ូរបស់ប្រជាពលរដ្ឋបង់ក្លាដេស្ហថាជាការដុតប្រទេសឱ្យធ្លាក់ចូលក្នុងវិបត្តិ ខណៈលោកមិនបានលើកឡើងពីវិបត្តិពុករលួយ បក្ខពួកនិយមចាក់ស្រេះបង្កឡើងដោយក្រុមមេដឹកនាំនៃប្រទេសនេះឡើយ ដែលបានបណ្ដាលឱ្យពលរដ្ឋរងទុក្ខវេទនា និងរស់នៅក្នុងភាពក្រីក្រតោកយ៉ាក។
ទន្ទឹមគ្នានេះ ឪពុករបស់លោក គឺលោក ហ៊ុន សែន ក៏បានរំលោភអំណាចនាយករដ្ឋមន្ត្រីជាកូន ចេញមុខព្រមានបង្ក្រាប និងកម្ចាត់ក្រុមអ្នកហ៊ានងើបតវ៉ានៅកម្ពុជា ដែលលោកចោទថាជាក្រុមប្រឆាំងជ្រុលនិយម «ទោះក្នុងតម្លៃណាក៏ដោយ»។ ទោះយ៉ាងណា លោក ហ៊ុន ម៉ាណែត អះអាងថា គ្រួសាររបស់លោក «គ្មានផែនការវេចបង្វេចនាំកូននាំចៅទៅក្រៅប្រទេសទេ»៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- សមត្ថកិច្ចចាប់ខ្លួនជំនួយការផ្ទាល់របស់លោក ហ៊ុន សែន គឺលោក ដួង តារា ស្ងាត់ៗ
- ប្រធានព្រឹទ្ធសភា លោក ហ៊ុន សែន ចោទទីប្រឹក្សារបស់លោកថា បានយកឈ្មោះលោកទៅបោកប្រាស់អ្នកដទៃ
- APHR ជំរុញឱ្យកម្ពុជាដោះលែងពលករខ្មែរ នួន តឿន និងអ្នកកាសែត លោក ម៉ិច ដារ៉ា
- ក្រុមឆបោកតាមអនឡាញនៅខេត្តជាប់ព្រំដែនថៃ និងវៀតណាម «រីករាលដាលខ្លាំង»
- អ្នកឃ្លាំមើលសង្គមបារម្ភថា ក្រុម Hacker កូរ៉េខាងជើងចូលលួចយកទិន្នន័យក្នុងស្ថាប័ននៅកម្ពុជាប៉ះពាល់ដល់សន្តិសុខជាតិ
អត្ថបទពេញនិយម
នយោបាយ
- ឧបនាយករដ្ឋមន្ត្រីកម្ពុជាថា នាវាកងទ័ពបរទេសណាក៏អាចចូលចតនៅមូលដ្ឋានទ័ពរាមដែរ
- សមាជិកសភាម៉ាឡេស៊ីជំរុញឱ្យមានសវនាការពិសេស ពាក់ព័ន្ធការនិរទេសពលករខ្មែរពីម៉ាឡេស៊ីទៅកម្ពុជាទាំងបង្ខំ
- អង្គការសិទ្ធិមនុស្សថ្កោលទោសរដ្ឋាភិបាលម៉ាឡេស៊ីបញ្ជូនពលករខ្មែរម្នាក់ ឱ្យអាជ្ញាធរកម្ពុជា ដោយសារតែរិះគន់លោក ហ៊ុន សែន
- ការបន្តតែងតាំងកូនៗរបស់មន្ត្រីជាន់ខ្ពស់ក្នុងស្ថាប័នរដ្ឋ «ជានយោបាយសន្តតិវង្ស និងការបែងចែកវណ្ណៈ»
- ក្រុមមេដឹកនាំអាស៊ានផ្ដោតលើការស្វែងរកដំណោះស្រាយភូមា និងបញ្ហាជម្លោះសមុទ្រចិនខាងត្បូង