កម្ពុជាស្នើឲ្យរដ្ឋាភិបាលបារាំងបញ្ជូនអ្នកសង្កេតការណ៍មកចូលរួមការបោះឆ្នោតជាតិខាងមុខ
2023.03.24
ប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក ប្រាជ្ញ ចន្ទ។
រូប៖ ហ្វេសប៊ុកគ.ជ.ប
កម្ពុជាស្នើរដ្ឋាភិបាលបារាំងឲ្យបញ្ជូនអ្នកសង្កេតការណ៍មកចូលរួមការបោះឆ្នោតសកលនៅថ្ងៃទី ២៣ ខែកក្កដា ឆ្នាំ២០២៣ ខាងមុខ ក៏ប៉ុន្តែបារាំងនៅមិនទាន់ឆ្លើយតប ថា តើនឹងបញ្ជូនឬមិនបញ្ជូនអ្នកសង្កេតការណ៍បោះឆ្នោត មកកម្ពុជានៅឡើយទេ។
ការស្នើសុំនេះធ្វើឡើងក្នុងជំនួបរវាងប្រធានគណៈកម្មាធិការជាតិរៀបចំការបោះឆ្នោត (គ.ជ.ប) លោក ប្រាជ្ញ ចន្ទ មន្ត្រីជាន់ខ្ពស់នៃក្រសួងមហាផ្ទៃ និងមន្ត្រីជាន់ខ្ពស់នៃក្រសួងការបរទេសបារាំង ខណៈលោក ប្រាជ្ញ ចន្ទ បានដឹកនាំគណៈប្រតិភូមួយក្រុម ទៅបំពេញទស្សនកិច្ចផ្លូវការនៅប្រទេសបារាំង ដើម្បីសិក្សាស្វែងយល់ និងផ្លាស់ប្ដូរបទពិសោធន៍ អំពីការរៀបចំការបោះឆ្នោតនៅសាធារណរដ្ឋបារាំង ចាប់ពីថ្ងៃទី១៣ ដល់ថ្ងៃទី១៩ ខែមីនា ឆ្នាំ២០២៣។
គេហទំព័រហ្វេសប៊ុករបស់គ.ជ.ប ឱ្យដឹងដែរថា ក្រៅពីប្រទេសបារាំង រដ្ឋាភិបាលកម្ពុជា ក៏បានអញ្ជើញអ្នកសង្កេតការណ៍ មកពីប្រទេសអង់គ្លេស (U.K) អាល្លឺម៉ង់ (Germany) និងប៉ាលេស្ទីន (Palestine) ដើម្បីពិនិត្យមើលដំណើរការបោះឆ្នោតនៅខែកក្កដា ខាងមុខ ប៉ុន្តែនៅមិនទាន់បានទទួលចម្លើយនៅឡើយទេ។ រហូតមកដល់ពេលនេះ មានតែរដ្ឋាភិបាលជប៉ុនប៉ុណ្ណោះ ដែលផ្តល់ជំនួយដល់កម្ពុជាលើវិស័យអប់រំ និងបច្ចេកទេសសំរាប់ការបោះឆ្នោត។
កាលពីខែធ្នូ ឆ្នាំ២០២២ កន្លងទៅរដ្ឋាភិបាលកម្ពុជា ក៏បានស្នើសុំឲ្យសហភាពអឺរ៉ុប បញ្ជូនអ្នកសង្កេតការណ៍បោះឆ្នោត នៅខែកក្កដា ឆ្នាំ២០២៣ ខាងមុខនេះដែរ ប៉ុន្តែនៅមិនទាន់មានការឆ្លើយតបនៅឡើយទេ។ អ្នកនាំពាក្យគ.ជ.ប លោក ហង្ស ពុទ្ធា អះអាងថា ចាប់តាំងពីការរំលាយគណបក្សសង្គ្រោះជាតិ កាលពីឆ្នាំ២០១៧មក បណ្តាប្រទេសក្នុងសហភាពអឺរ៉ុប បានកាត់ផ្ដាច់ទាំងស្រុង ដោយមិនបានបញ្ជូនអ្នកសង្កេតការណ៍បោះឆ្នោតណាម្នាក់ ឬផ្តល់ជំនួយសំរាប់ការបោះឆ្នោតអ្វីឡើយ សូម្បីតែការបោះឆ្នោតក្រុមប្រឹក្សាឃុំសង្កាត់ កាលពីឆ្នាំ២០២២ កន្លងមកនេះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ថេង សាវឿន និងសហការីសរសេរលិខិតសុំទោសលោក ហ៊ុន សែនដើម្បីរួចពីការឃុំខ្លួន
- ហេតុអ្វីលោក ឡេង ណាវ៉ាត្រា និងអតិថិជនមិនប្រើប្រាស់តុលាការដោះស្រាយវិវាទបែរជាវាយប្រហារគ្នាតាមបណ្ដាញសង្គម?
- លោក ហ៊ុន សែន ផ្ដល់មរតកនយោបាយកំសាកដល់លោក ហ៊ុន ម៉ាណែត ជាបន្តបន្ទាប់
- កម្មករត្រូវបានបង្ខំឱ្យទៅស្ដាប់លោក ហ៊ុន សែន និយាយ
- អាមេរិកនិងប្រទេសប្រជាធិបតេយ្យធំៗព្រមានកម្ពុជាក្រោយផាត់ភ្លើងទៀនចេញពីការបោះឆ្នោត
អត្ថបទពេញនិយម
នយោបាយ
- លោក រ៉ុង ឈុន អំពាវនាវដល់អ្នកគាំទ្រគណបក្សភ្លើងទៀន កុំឱ្យតក់ស្លុត ឬរាថយ ទោះជាក្រុមប្រឹក្សាធម្មនុញ្ញមិនឱ្យគណបក្សនេះចូលរួមការបោះឆ្នោតខាងមុខ
- លោក ហ៊ុន សែន រងការរិះគន់រឿងជេរប្រមាថសកម្មជនសិទ្ធិមនុស្សកញ្ញា សេង ធារី
- លោក ហ៊ុន សែន ប្រកាសបន្តដឹកនាំនយោបាយដដែល ទោះលោកមិនធ្វើជានាយករដ្ឋមន្ត្រីនៅពេលខាងមុខក្ដី
- ក្រុមប្រឹក្សាធម្មនុញ្ញសម្រេចមិនឱ្យគណបក្សភ្លើងទៀនចូលប្រកួតការបោះឆ្នោតដូច គ.ជ.ប ដែរ
- គណបក្សភ្លើងទៀន គ្រោងប្រមូលផ្ដុំសមាជិកបក្ស ១ម៉ឺននាក់ តស៊ូមតិនៅទីលានប្រជាធិបតេយ្យ