អាជ្ញាធរដោះលែងគ្រួសារលោក កង សារ៉ន និងអ្នកជិតខាងសរុប ៤នាក់
2023.12.06
(ពីឆ្វេង) លោក កង សារ៉ន ភរិយារបស់លោកគឺលោកស្រី ហង្ស ត្រឹប និងកូនស្រី កាលពីបុណ្យម្ដាយបង្កើតលោកស្រី ហង្ស ត្រឹប។
រូប៖ ហ្វេសប៊ុក ហង្ស ត្រឹប
អាជ្ញាធរបានបញ្ជូនគ្រួសារ និងអ្នកជិតខាងរបស់លោក កង សារ៉ន ដែលមានគ្នាសរុប ៤នាក់ ត្រឡប់ទៅផ្ទះវិញហើយ កាលពីល្ងាចថ្ងៃទី៦ ខែធ្នូ។ នេះបើតាមការបញ្ជាក់របស់អ្នកសម្របសម្រួលអង្គការលីកាដូ (Licadho) ខេត្តបន្ទាយមានជ័យ លោក ភុន ឈិន។
លោក ភុន ឈិន ឲ្យវិទ្យុអាស៊ីសេរីដឹងបន្ថែមថា ប៉ូលិសខេត្តបន្ទាយមានជ័យបានប្រាប់លោកកាលពីល្ងាចថ្ងៃទី៦ ធ្នូ ថា សមត្ថកិច្ចមិនបានចាប់ខ្លួនអ្នកទាំង៤នាក់នេះទេ ដោយគ្រាន់តែហៅពួកគាត់ទៅយកអំណោយប៉ុណ្ណោះ។ ប៉ុន្តែមន្ត្រីសិទ្ធិមនុស្សរូបនេះចាត់ទុកការបកស្រាយរបស់សមត្ថកិច្ចបែបនេះថា មិនសមទំនងឡើយ។
កាលពីរសៀលថ្ងៃទី៦ ខែធ្នូ មន្ត្រីនគរបាលខេត្តបន្ទាយមានជ័យចំនួន ៦នាក់ បានចូលទៅចាប់ខ្លួនពលរដ្ឋចំនួន ៤នាក់ រួមមានអ្នកស្រី ហង្ស ត្រឹប ជាភរិយាលោក កង សារ៉ន កញ្ញា សេង ចន្ថា ជាកូនស្រីរបស់លោក កង សារ៉ន និងអ្នកជិតខាងពីរនាក់ផ្សេងទៀត នៅក្នុងការិយាល័យអង្គការលីកាដូ ខេត្តបន្ទាយមានជ័យ។ អង្គការសិទ្ធិមនុស្សលីកាដូឱ្យដឹងថា នគរបាលចាប់ខ្លួនពលរដ្ឋទាំង៤នាក់នេះ ក្នុងពេលពួកគាត់កំពុងទទួលការប្រឹក្សាយោបល់ផ្នែកច្បាប់ ទាក់ទងនឹងករណី លោក កង សារ៉ន ដែលកំពុងជាប់ពន្ធនាគារ ដោយសារការបញ្ចេញមតិ។ អង្គការលីកាដូ បញ្ជាក់ទៀតថា អ្នកទាំងបួន ត្រូវបានចាប់ខ្លួន ១០នាទី ក្រោយពេលចូលទៅដល់ការិយាល័យរបស់អង្គការលីកាដូ បន្ទាប់ពីអ្នកទាំងនោះ បានទៅសួរសុខទុក្ខលោក កង សារ៉ន នៅក្នុងពន្ធនាគារកាលពីពេលព្រឹក។
នៅពេលក្រុមអាជ្ញាធរចូលការិយាល័យអង្គការលីកាដូដោយគ្មានការអញ្ជើញបែបនោះ បុគ្គលិកអង្គការបានស្នើសុំពួកគេឱ្យបង្ហាញឯកសារពាក់ព័ន្ធ ឬដីកាតុលាការ ប៉ុន្តែមន្ត្រីនគរបាលទាំងនោះមិនមានអ្វីបង្ហាញឡើយ ប៉ុន្តែបែរជានិយាយថា ពួកគេ “ធ្វើតាមបទបញ្ជា” ទៅវិញ ។ មន្ត្រីនគរបាលទាំងនោះ ក៏បានបញ្ជាឱ្យបុគ្គលិកលីកាដូ លុបចោលរូបភាព ដែលពួកគេថតបានអំពីវត្តមានរបស់មន្ត្រីនគរបាលទាំងនោះចូលក្នុងបរិវេណការិយាល័យ ដោយមិនមានលិខិតស្នាម។ តាមច្បាប់កម្ពុជា ការចូលទៅទីតាំងឯកជនដោយគ្មានដីកាបែបនេះរបស់អាជ្ញាធរ គឺជាទង្វើរំលោភបំពានសិទ្ធិឯកជនរបស់ម្ចាស់ទ្រព្យសម្បត្តិ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កម្មករវៀតណាមកំពុងសម្ងំធ្វើការក្នុងក្រុមហ៊ុនចម្ការចេកខេត្តរតនគិរី
- លោក ហ៊ុន សែន អួតនៅក្នុងវេទិកាប្រទេសកូរ៉េថា កម្ពុជាមានសន្តិភាព ខណៈអ្នកតវ៉ាទាមទារប្រជាធិបតេយ្យ
- ក្រសួងការបទេស និងគណបក្សប្រជាជនកម្ពុជាចាត់ទុកថា ជារឿងអយុត្តិធម៌ ដែលក្រសួងរតនាគារសហរដ្ឋអាមេរិកដាក់ទណ្ឌកម្មលើលោក លី យ៉ុងផាត់
អត្ថបទពេញនិយម
នយោបាយ
- លោក រ៉ុង ឈុន ថា លោកមិនខ្លាចក្នុងការចូលបំភ្លឺតុលាការទេ ពាក់ព័ន្ធបទចោទ «មិនរាងចាល»
- ពលរដ្ឋខ្មែរប្រកាសនាំគ្នាតវ៉ាប្រឆាំងលោក ហ៊ុន សែន នៅមុខអគាររៀបចំវេទិកាចំណេះដឹងពិភពលោកក្នុងប្រទេសកូរ៉េខាងត្បូង
- ពលរដ្ឋខ្មែរនៅកូរ៉េនឹងធ្វើបាតុកម្មប្រឆាំងវត្តមានលោក ហ៊ុន សែន ដែលនឹងចូលរួមវេទិកានៅកូរ៉េ
- អ្នកប្រើប្រាស់បណ្ដាញសង្គមថា គ្រួសារ ហ៊ុន សែន ជាគ្រួសារនាំគ្រោះដល់ប្រទេសជាតិ
- គណបក្សកម្លាំងជាតិ នឹងធ្វើសមាជវិសាមញ្ញ នៅថ្ងៃទី១៥ ខែកញ្ញា