សាលាដំបូងរាជធានីភ្នំពេញបើកការស៊ើបសួរ លោក គុយ វ៉ាត អតីតនាយកប្រតិបត្តិ CIC
2024.08.28
ម្ចាស់ហាង ផាក កាហ្វេ (Park Café) និងអតីតនាយកប្រតិបត្តិក្រុមហ៊ុន CIC លោក គុយ វ៉ាត ពេលត្រូវសមត្ថកិច្ចចាប់ខ្លួនកាលពីថ្ងៃទី២៥ សីហា ២០២៤។
រូប៖ ចែកចាយលើបណ្ដាញសង្គម
តំណាងអយ្យការសាលាដំបូងរាជធានីភ្នំពេញ លោក ប្លង់ សុផល បានឱ្យកាសែតក្នុងស្រុក (Fresh News) ដឹងកាលពីថ្ងៃទី២៧ សីហា ថា តុលាការបានបើកការស៊ើបសួរ ម្ចាស់ហាង ផាក កាហ្វេ (Park Café) លោក គុយ វ៉ាត និង ជាអតីតនាយកប្រតិបត្តិក្រុមហ៊ុន CIC សង្ស័យពីបទ “មិនបំពេញកាតព្វកិច្ចចំពោះឧបករណ៍ដែលជួញដូរបាន”។
តំណាងអយ្យការបានបើកការស៊ើបសួរ លោក គុយ វ៉ាត នេះ ក្រោយពីសមត្ថកិច្ចក្រសួងមហាផ្ទៃ បានចាប់ឃុំខ្លួន កាលពីថ្ងៃទី២៤ សីហា និងបានបញ្ជូនខ្លួនទៅតុលាការកាលពីថ្ងៃទី២៦ សីហា។
វិទ្យុអាស៊ីសេរី មិនអាចទាក់ទងតំណាងអយ្យការ សាលាដំបូងរាជធានីភ្នំពេញ លោក ប្លង់ សុផល ដើម្បីសុំសួរពីរឿងនេះបន្ថែមបានទេ កាលពីយប់ថ្ងៃទី២៧ សីហា។
ប្រធាននាយកដ្ឋាននគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ លោក ង៉ែង ជួ បានប្រាប់ Fresh News ថា លោក គុយ វ៉ាត បានរងពាក្យបណ្ដឹងជាច្រើន ពីបទសង្ស័យ អំពើឆបោកលុយរាប់លានដុល្លារ។
អ្នករងគ្រោះដោយការវិនិយោគក្នុងក្រុមហ៊ុន ស៊ីអាយស៊ី កាលពីពេលថ្មីៗនេះ ធ្លាប់ស្នើឱ្យរដ្ឋាភិបាល ឬតុលាការស៊ើបអង្កេតថ្នាក់ដឹកក្រុមហ៊ុនCIC ក្រោយពីក្រុមហ៊ុននេះ បានធ្វើឱ្យបាត់បង់លុយរាប់លានដុល្លារ ដែលធ្វើឱ្យមនុស្សជាច្រើននាក់បានរងផលប៉ះពាល់ និងឈឺចាប់។
ក្នុងចំណោមជនរងគ្រោះទាំងអស់នេះ កន្លងមកមិនមានម្ចាស់ភាគហ៊ុនណាមួយ ឬជនរងគ្រោះណាម្នាក់ចេញមុខបកអាក្រាតរឿងថ្នាក់ដឹកនាំក្រុមហ៊ុន CIC នេះជាសាធារណៈនោះទេ ក្រៅពីអ្នកឧកញ៉ាវេជ្ជបណ្ឌិត គួច ម៉េងលី ដែលអះអាងថា លោកអស់លុយជិត ៣០ម៉ឺនដុល្លារ ដោយសារតែ វិនិយោគជាមួយក្រុមហ៊ុន ស៊ីអាយស៊ីនេះ។ ក្រៅពីនេះ លោក យ៉ង់ ប៉ាក់ ក៏ធ្លាប់ចោទរដ្ឋមន្ត្រីប្រតិភូអមនាយករដ្ឋមន្ត្រី លោក ព្រាប កុល ថា បានកិបកេងលុយប្រមាណ៨០ម៉ឺនដុល្លារអាមេរិក។ ប៉ុន្តែលោក ព្រាប កុល បានបដិសេធការចោទប្រកាន់នេះ ហើយលោកបានប្ដឹងលោក យ៉ង់ ប៉ាក់ ទៅតុលាការ ហើយតុលាការបានចាប់លោក យ៉ង់ ប៉ាក់ ដាក់ពន្ធនាគាររហូតមដល់បច្ចុប្បន្ន៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- មេធាវីគ្រោងដាក់សេចក្តីសន្និដ្ឋានទៅសាលាឧទ្ធរណ៍ភ្នំពេញបញ្ជាក់ពីភាពស្អាតស្អំលោក កឹម សុខា
- អ្នកតាមដាននយោបាយថា អាមេរិកដាក់ទណ្ឌកម្ម លោក លី យ៉ុងផាត់ ជាការកាត់ផ្ដាច់សរសៃឈាមសេដ្ឋកិច្ចរបស់បក្សកាន់អំណាច
- កម្មករវៀតណាមកំពុងសម្ងំធ្វើការក្នុងក្រុមហ៊ុនចម្ការចេកខេត្តរតនគិរី
- លោក ហ៊ុន សែន អួតនៅក្នុងវេទិកាប្រទេសកូរ៉េថា កម្ពុជាមានសន្តិភាព ខណៈអ្នកតវ៉ាទាមទារប្រជាធិបតេយ្យ
- ក្រសួងការបទេស និងគណបក្សប្រជាជនកម្ពុជាចាត់ទុកថា ជារឿងអយុត្តិធម៌ ដែលក្រសួងរតនាគារសហរដ្ឋអាមេរិកដាក់ទណ្ឌកម្មលើលោក លី យ៉ុងផាត់
អត្ថបទពេញនិយម
សង្គម
- ពលរដ្ឋរិះគន់អាជ្ញាធរអប្សរាបណ្តោយឱ្យអ្នកមានលុយមានអំណាចសង់ផ្នូរខ្មោចចិនមួយធំក្នុងតំបន់អង្គរ
- កម្ពុជា និងចិន «មិនអាចទប់ស្កាត់បញ្ហាឆបោកតាមអនឡាញ និងជួញដូរមនុស្សនៅកម្ពុជាបាន»
- អ្នកឃ្លាំមើលថា កិច្ចសហប្រតិបត្តិការ «ត្បូងពេជ្រ» រវាងកម្ពុជា-ចិនគ្មានពន្លឺសម្រាប់កម្ពុជាឡើយ