ព្រះមហាក្សត្រប្រទានភ្លើងជ័យកីឡា សម្រាប់ការប្រកួតកីឡាស៊ីហ្គេមលើកទី៣២
2023.03.21
ព្រះមហាក្សត្រ ព្រះបាទសម្ដេចព្រះបរមនាថ នរោត្តម សីហមុនី យាងប្រទានភ្លើងជ័យកីឡា លើកទី៣២ នៅបរិវេណខាងមុខប្រាសាទអង្គរវត្ត នៅព្រឹកថ្ងៃទី២១ ខែមីនា ឆ្នាំ២០២៣។
រូប៖ ហ្វេសប៊ុកលោក ហ៊ុន សែន
ព្រះមហាក្សត្រ ព្រះបាទសម្ដេចព្រះបរមនាថ នរោត្តម សីហមុនី នៅព្រឹកថ្ងៃទី២១ ខែមីនា បានយាងប្រទានភ្លើងជ័យកីឡា នៅបរិវេណខាងមុខប្រាសាទអង្គរវត្ត។
ភ្លើងជ័យកីឡា ឬព្រះអគ្គីជ័យកីឡា នេះសម្រាប់ប្រើប្រាស់ក្នុងពិធីបើកការប្រកួតកីឡាស៊ីហ្គេម និងប៉ារ៉ាហ្គេម (SEA Games-ASEAN Para Games) នៅក្នុងខែឧសភា ខាងមុខ។
ជាមួយគ្នានេះបន្ទាប់ពីទទួលបានភ្លើងជ័យកីឡាពីព្រះមហាក្សត្រ អត្តពលិក ៧ រូប បានប្ដូរវេនគ្នារត់តិចៗ កាន់ភ្លើងគប់កីឡា ហែជុំវិញវង់តូច នៃតំបន់អង្គរ រួចយកទៅតម្កល់នៅក្នុងព្រះវិហារវត្តរាជបូណ៍ មុននឹងដង្ហែបន្តទៅបណ្ដាប្រទេសជាសមាជិកចូលរួមប្រកួតកីឡាស៊ីហ្គេម។
ការហែភ្លើងគប់កីឡាទៅកាន់បណ្ដាប្រទេសជាសមាជិកនឹងចាប់ផ្ដើមនៅថ្ងៃទី២២ ខែមីនា ហើយភ្លើងគប់កីឡានេះនឹងវិលមកដល់កម្ពុជាវិញ នៅថ្ងៃទី២៧ ខែមេសា។
មកដល់ពេលនេះ ប្រទេសនៅអាស៊ីអាគ្នេយ៍ចំនួន១១ បានបញ្ជូនកីឡាករចូលរួមប្រកួតកីឡាស៊ីហ្គេមនេះ ដែលមានកីឡាករសរុបចំនួនជាង ១ម៉ឺន ១ពាន់នាក់ (១១.៤៥៣)៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទពេញនិយម
RFA
- លោក ថេង សាវឿន និងសហការីសរសេរលិខិតសុំទោសលោក ហ៊ុន សែនដើម្បីរួចពីការឃុំខ្លួន
- ហេតុអ្វីលោក ឡេង ណាវ៉ាត្រា និងអតិថិជនមិនប្រើប្រាស់តុលាការដោះស្រាយវិវាទបែរជាវាយប្រហារគ្នាតាមបណ្ដាញសង្គម?
- លោក ហ៊ុន សែន ផ្ដល់មរតកនយោបាយកំសាកដល់លោក ហ៊ុន ម៉ាណែត ជាបន្តបន្ទាប់
- កម្មករត្រូវបានបង្ខំឱ្យទៅស្ដាប់លោក ហ៊ុន សែន និយាយ
- អាមេរិកនិងប្រទេសប្រជាធិបតេយ្យធំៗព្រមានកម្ពុជាក្រោយផាត់ភ្លើងទៀនចេញពីការបោះឆ្នោត
