ប័ណ្ណសារព័ត៌មាន
2024-10-07
ជំងឺកូវីដ១៩ បានឆ្លងនៅកម្ពុជាមានជិត១សែន ៤ម៉ឺននាក់ (១៣៩.៣២៤) គិតចាប់តាំងឆ្នាំ២០១៩មក។ រីឯអ្នកស្លាប់ស្លាប់សរុបចំនួន ៣.០៥៦នាក់។
2024-10-07
នៅក្នុងរដូវទឹកឡើងឆ្នាំនេះ នៅខេត្តកណ្ដាលមានមនុស្សក្មេងចាស់សរុបចំនួន ១០នាក់ហើយបានស្លាប់ដោយសារលង់ទឹក។
2024-10-07
ក្រសួងអប់រំ យុវជន និងកីឡា កំពុងរៀបចំការប្រឡងសញ្ញាប័ត្រមធ្យមសិក្សាទុតិយភូមិ ដោយបានចែកចាយវិញ្ញាសា និងពង្រឹងផ្នែកសន្តិសុខ នៅតាមមណ្ឌលប្រឡង។ ដោយឡែកចំពោះបេក្ខជនប្រឡង អះអាងថា បានត្រៀមលក្ខណៈរួចរាល់ហើយ ប៉ុន្តែពួកគេឱ្យក្រសួង ពង្រឹងបន្ថែមលើសុក្រឹតភាពពេលធ្វើកំណែ និងបច្ចេកទេសបញ្ចូលពិន្ទុ ចៀសវាងមានបញ្ហាប៉ះពាល់ដល់លទ្ធផលនៃការប្រឡង។
2024-10-07
អ្នកប្រើប្រាស់បណ្តាញសង្គមមួយចំនួនមិនជឿថា កម្ពុជានឹងអាចទាក់ទាញអ្នកវិនិយោគធំៗពីអាមេរិកបានឡើយ បើកម្ពុជាមិនស្តារស្ថានភាពការគោរពសិទ្ធិមនុស្ស និងប្រជាធិបតេយ្យឲ្យរស់ឡើងវិញនោះទេ។
2024-10-07
សាច់ញាតិហៅការចាប់បញ្ជូនកញ្ញា នួន តឿន ពីប្រទេសម៉ាឡេស៊ីថាជារឿងអយុត្តិធម៌ និងមិនអាចទទួលយកបានឡើយ។ ពួកគេស្នើឱ្យរដ្ឋាភិបាលលោក ហ៊ុន ម៉ាណែត ដោះលែងពលករខ្មែររូបនេះឱ្យមានសេរីភាពវិញ។ មន្ត្រីសិទ្ធិមនុស្សបន្តរិះគន់ករណីនេះថា ជាទង្វើរំលោភច្បាប់អន្តរជាតិ និងបំពានសិទ្ធិមនុស្សយ៉ាងធ្ងន់ធ្ងរ។
2024-10-07
អ្នកឃ្លាំមើលថា ការបន្តតែងតាំងកូនៗ និងសែស្រឡាយរបស់មន្ត្រីកំពូលៗ នៃបក្សកាន់អំណាចក្នុងជួរកងទ័ព និងស្ថាប័នរដ្ឋបង្ហាញពីការបែងចែកវណ្ណៈ និងជានយោបាយសន្តតិវង្ស។ ការលើកឡើងនេះ គឺបន្ទាប់ពីរដ្ឋាភិបាលលោក ហ៊ុន ម៉ាណែត បានតែងតាំងកូនប្រុសរបស់មន្ត្រីជាន់ខ្ពស់ពីររូបឱ្យឡើងឋានន្តរសក្ដិជាឧត្ដមសេនីយ៍ផ្កាយ៣ ក្នុងជួរកងទ័ព កាលពីថ្ងៃទី២៦ ខែកញ្ញា ឆ្នាំ២០២៤។
2024-10-06
អ្នកឃ្លាំមើលសង្គមបារម្ភថា កម្ពុជាអាចប្រឈមបញ្ហាសន្តិសុខជាតិដោយសារក្រុមចោរព័ត៌មានវិទ្យា ឬហេកឃឺរ (Hackers) របស់ប្រទេសកូរ៉េខាងជើង (North Korea) បានបង្កើតប្រព័ន្ធជ្រៀតជ្រែកចូលទៅយកឯកសារព័ត៌មាន និងទិន្នន័យក្នុងកុំព្យូទ័ររបស់អង្គការ ឬស្ថាប័នសំខាន់ៗនៅកម្ពុជា។
2024-10-06
អ្នកសារព័ត៌មានក្នុងស្រុក និងក្រៅប្រទេសអំពាវនាវឱ្យរដ្ឋាភិបាល និង តុលាការទម្លាក់ចោលបទប្រកាន់និងដោះលែងលោក ម៉ិច ដារ៉ា ឱ្យមានសេរីភាព វិញ ដើម្បីលោកបានបន្តអាជីពជាអ្នកសារព័ត៌មានជួយដល់សង្គម។ ពួកគាត់ចាត់ ទុកលោក ម៉ិច ដារ៉ា ជាអ្នកសារព័ត៌មាន ដែលហ៊ានរាយការណ៍ព័ត៌មានរសើប ជាពិសេសទាក់ទងនឹងការជួញដូរមនុស្ស និងការឆបោកតាមអនឡាញនៅកម្ពុជា។
2024-10-06
មន្ត្រីគ្រឹះស្ថានអង្គរឱ្យដឹងថា រយៈពេល៩ខែឆ្នាំ២០២៤ ភ្ញៀវទេសចរបរទេសដែលទៅកំសាន្តនៅខេត្តសៀមរាប បានកើនឡើងចំនួន៣០ភាគរយនិងទទួលបានប្រាក់ចំណូលចំនួន៣២លាន ៥សែនដុល្លារ។
2024-10-06
ឧបនាយករដ្ឋមន្ត្រីកម្ពុជា លោក ស៊ុន ចាន់ថុល លើកឡើងថា រដ្ឋាភិបាលកម្ពុជាស្វាគមន៍នាវាទ័ពបរទេសទាំងអស់ រាប់ទាំងនាវាទ័ពសហរដ្ឋអាមេរិកផង អាចចូលចតនៅមូលដ្ឋានទ័ពរាមនៅខេត្តព្រះសីហនុ ដែលឧបត្ថម្ភដោយរដ្ឋាភិបាលចិន បន្ទាប់ពីបានបញ្ចប់សាងសង់ជាស្ថាពរ។
2024-10-06
ក្រុម Hackers របស់ក្រសួងសន្តិសុខជាតិកូរ៉េខាងជើង បង្កើតយុទ្ធនាការមេរោគមួយដើម្បីបង្កើតប្រព័ន្ធជ្រៀតជ្រែក ចូលទៅយកឯកសារព័ត៌មាន និងទិន្នន័យក្នុងកុំព្យូរទ័ររបស់អង្គការឬស្ថាប័នសំខាន់ៗ នៅក្នុងប្រទេសកម្ពុជា កាលពីឆ្នាំ២០២៣កន្លងទៅ។
2024-10-05
មន្ត្រីពន្ធនាគារខេត្តពោធិ៍សាត់ មិនអនុញ្ញាតឲ្យមិត្តភ័ក្ដិសួរសុខទុក្ខសកម្មជនចលនាមាតាធម្មជាតិ កញ្ញា ភួន កែវរស្មី អំឡុងពេលពិធីបុណ្យភ្ជុំបិណ្ឌ។ មន្ត្រីអង្គការសង្គមស៊ីវិល ថា មន្ត្រីពន្ធនាគារខេត្តពោធិ៍សាត់ គួរតែពិនិត្យ និងបើកឱកាសឲ្យមិត្តភ័ក្ដិកញ្ញា ភួន កែវរស្មី បានសួរសុខទុក្ខកញ្ញាឡើងវិញ។
2024-10-05
ក្រុមអង្គការសិទ្ធិមនុស្ស រិះគន់សមត្ថកិច្ចម៉ាឡេស៊ីបញ្ជូនពលករខ្មែរម្នាក់ ដែលរិះគន់រដ្ឋាភិបាលត្រកូល ហ៊ុន ឱ្យអាជ្ញាធរកម្ពុជា។ ពួកគេថានេះជាទង្វើបំពានលើគោលការណ៍ច្បាប់អន្តរជាតិ រំលោភសិទ្ធិមនុស្ស និងផ្តល់គំរូអាក្រក់ដល់ប្រទេសក្នុងតំបន់ ហើយទាមទារឱ្យរដ្ឋាភិបាលកម្ពុជាដោះលែងកញ្ញា នួន តឿន ឱ្យមានសេរីភាពឡើងវិញដោយឥតលក្ខខណ្ឌ។
2024-10-04
សារព័ត៌មានអន្តរជាតិចុះផ្សាយព្រោងព្រាត ទាក់ទងនឹងសំណុំរឿងចាប់ខ្លួនអ្នកសារព័ត៌មានឯករាជ្យ លោក ម៉ិច ដារ៉ា ខណៈអង្គការជាតិ អន្តរជាតិ រួមមាន បណ្ដាប្រទេសលោកសេរី សហភាពអឺរ៉ុប និងអង្គការអន្តរជាតិនានា នាំគ្នាទាមទារឱ្យដោះលែងអ្នកកាសែតរូបនេះ ជាបន្ទាន់ និងឥតលក្ខខណ្ឌ។
2024-10-04
នាទីវេទិកាអ្នកស្ដាប់វិទ្យុអាស៊ីសេរី នៅយប់ថ្ងៃសុក្រ ទី៤ ខែតុលានេះ នឹងពិភាក្សាលើប្រធានបទ ទាក់ទងនឹងការចាប់ខ្លួនអ្នកកាសែតឯករាជ្យម្នាក់ ឈ្មោះ ម៉ិច ដារ៉ា រដ្ឋាភិបាលនៃក្រុមគ្រួសារត្រកូល ហ៊ុន នៅតែបន្តធ្វើទុក្ខបុកម្នេញដល់អ្នក ដែលហ៊ានរិះគន់ និងអ្នកបញ្ចេញមតិឥតស្រាកស្រាន្ត។ ជនរងគ្រោះនៃរដ្ឋអំណាចត្រកូល ហ៊ុន ចុងក្រោយបំផុតមកទល់ពេលនេះ គឺជាអ្នកកាសែតឯករាជ្យម្នាក់ ឈ្មោះ ម៉ិច ដារ៉ា។
