ប័ណ្ណសារព័ត៌មាន
2024-10-01
ប្រជាពលរដ្ឋ និងព្រះសង្ឃ ស្នើអ្នកនយោបាយ ឱ្យងាកមកផ្សះផ្សាជាតិតាមរយៈការដោះលែងអ្នកទោសមនសិការឱ្យមានសេរីភាព និងស្ដារប្រព័ន្ធប្រជាធិបតេយ្យឱ្យល្អប្រសើរឡើងវិញ នៅរដូវបុណ្យភ្ជុំបិណ្ឌ ព្រោះថា ការណ៍ ដែលអ្នកនយោបាយ ទាំងបក្សកាន់អំណាច និងបក្សប្រឆាំង បន្តខាំធ្មេញដាក់គ្នា ចាត់ទុកគ្នាជាសត្រូវ ជាច្រើនទសវត្សរ៍មកនេះ ពុំមែនជាការដឹកនាំប្រទេស ទៅរកការរីកចម្រើននោះឡើយ។
2024-10-01
គណបក្សជំនាន់ថ្មីបានចេញសេចក្ដីថ្លែងការណ៍មួយស្នើលោកនាយករដ្ឋមន្ត្រី ហ៊ុន ម៉ាណែត ឱ្យដោះលែងសកម្មជនកិច្ចព្រមព្រៀងក្រុងប៉ារីស ៤រូប ក្នុងពេលបុណ្យកាន់បិណ្ឌ ដើម្បីឱ្យពួកគាត់អាចបន្តការងារសង្គម និងផ្សព្វផ្សាយ ពីខ្លឹមសារកិច្ចព្រមព្រៀងសន្តិភាពទីក្រុងប៉ារីសឆ្នាំ១៩៩១ ក្នុងបំណងបម្រើឧត្ដមប្រយោជន៍ជាតិ។
2024-10-01
ពលករខ្មែរមួយចំនួនដែលប្រកបរបរលក់ដូរតូចតាចតាមដងផ្លូវនៅប្រទេសថៃ ព្រួយបារម្ភខ្លាចអាជ្ញាធរថៃចាប់ដាក់ពន្ធនាគារ ហើយបញ្ជូនពួកគេត្រឡប់ទៅកម្ពុជាវិញ ដែលធ្វើឱ្យប៉ះពាល់ដល់ជីវភាពប្រចាំថ្ងៃ។ ក្ដីបារម្ភនេះ ធ្វើឡើងបន្ទាប់ពីអាជ្ញាធរថៃបានប្រកាសនឹងចាត់វិធានការតឹងរ៉ឹងលើពលករបរទេសទាំងឡាយ ដែលលក់ដូរតាមដងផ្លូវនៅទីក្រុងបាងកក ដោយមិនមានការលើកលែងឡើយ។៣
2024-10-01
មេដឹកនាំសហជីព កញ្ញា ឈឹម ស៊ីថរ រីករាយជួបជុំគ្រួសារ និងធ្វើបុណ្យ ក្រោយជាប់ពន្ធនាគាររយៈពេល២ឆ្នាំ តែទោះជាយ៉ាងណាកញ្ញាថា នឹងដឹកនាំកូដករណាហ្គាវើលដ៍បន្តទាមទារសិទ្ធិការងារនាពេលឆាប់ៗ។ មន្ត្រីសង្គមស៊ីវិលស្នើក្រសួងការងារចេញមុខដោះស្រាយលើវិវាទការងារនេះឱ្យបានឆាប់ដើម្បីយុត្តិធម៌សង្គម។
2024-10-01
សមត្ថកិច្ចចាប់ខ្លួនអ្នកសារព័ត៌មានឯករាជ្យ ដែលធ្លាប់ទទួលពានរង្វាន់ពីរដ្ឋាភិបាលអាមេរិកគឺលោក ម៉ិច ដារ៉ា នៅរសៀលថ្ងៃទី៣០ ខែកញ្ញានេះ ក្នុងស្រុកស្រែអំបិល ខេត្តកោះកុង។ មកដល់ពេលនេះ គ្រួសាររបស់លោកមិនទាន់ដឹងថា លោក ម៉ិច ដារ៉ា ត្រូវសមត្ថកិច្ចបញ្ជូនទៅឃុំនៅកន្លែងណានៅឡើយទេ។
2024-09-30
គណបក្សប្រឆាំង និងពលរដ្ឋខ្មែរនៅប្រទេសអូស្ត្រាលីបានចេញធ្វើបាតុកម្មនៅមុខស្ថានទូតខ្មែរដើម្បីទាមទារឲ្យលោក ហ៊ុន សែន លុបគម្រោងទាំងអស់ចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ជាមួយឡាវ និងវៀតណាម (CLV-DTA) ដោះលែងអ្នកទោសមនសិការ ព្រមទាំងស្តារប្រជាធិបតេយ្យឡើងវិញ។ ពួកគាត់យល់ថា ការដកគម្រោង CLV កន្លងមក គឺរដ្ឋាភិបាលត្រកូលហ៊ុនធ្វើឡើងមិនស្មោះត្រង់។
2024-09-30
សកម្មជនបក្សប្រឆាំងឱ្យដឹងថា សមត្ថកិច្ចម៉ាឡេស៊ីបានចាប់បញ្ជូនពលករខ្មែរម្នាក់ដែលរិះគន់រដ្ឋាភិបាលនាយករដ្ឋមន្រ្តី លោក ហ៊ុន ម៉ាណែត មកកម្ពុជាវិញទាំងបង្ខំ តាមសំណើរបស់អាជ្ញាធរកម្ពុជានៅល្ងាចថ្ងៃទី៣០ ខែកញ្ញា។
2024-09-30
៣១ឆ្នាំក្រោយការប្រកាសឱ្យប្រើរដ្ឋធម្មនុញ្ញ កម្ពុជាបានដាក់សម្ពោធ «វិមានរដ្ឋធម្មនុញ្ញ» ទម្ងន់ជាង ១រយតោន សាងសង់ឡើងដោយប្រើប្រាស់ថវិកាជាតិអស់ប្រមាណជាង ២លាន២សែនដុល្លារ។ រដ្ឋាភិបាល អះអាងថា វិមានរដ្ឋធម្មនុញ្ញនេះ គឺជា «នីតិបូជនីយដ្ឋានដ៏ពិសិដ្ឋ» តំណាងឱ្យនិមិត្តរូបនីតិរដ្ឋ ឬការគោរពច្បាប់ ដែលមានរដ្ឋធម្មនុញ្ញជាច្បាប់កំពូលនៅកម្ពុជា។
2024-09-30
អ្នកឃ្លាំមើលថា អំពើឧក្រិដ្ឋកម្មកាប់សម្លាប់គ្នារវាងជនជាតិចិន នឹងជនជាតិចិនមួយចំនួន កំពុងបង្កអសន្តិសុខ និងភាពគ្មានសណ្ដាប់ធ្នាប់ក្នុងសង្គម។ ការលើកឡើងនេះ បន្ទាប់ពីសមត្ថកិច្ចកាលពីពេលថ្មីៗនេះ បានចាប់បញ្ជូនខ្លួនជនជាតិចិនចំនួន២ក្រុម បញ្ជូនទៅសាលាដំបូងរាជធានីភ្នំពេញ ដើម្បីបន្តនីតិវិធី។
2024-09-30
ព្រៃសហគមន៍ភូមិពូគង់ និងព្រៃគម្រោងរ៉េដបូក (Redd+) នៃដែនជម្រកសត្វព្រៃកែវសីមា ខេត្តមណ្ឌលគីរី នៅតែបន្តរងការកាប់ឈើធ្វើអាជីវកម្ម និងដឹកជញ្ជូនយកទៅលក់នៅប្រទេសវៀតណាមដោយសេរី តាមច្រករបៀងនៃស្រុកកែវសីមា ដោយមិនទាន់ឃើញមន្ត្រីជំនាញនៅតំបន់នោះចុះទប់ស្កាត់នៅឡើយទេ។ មន្ត្រីសង្គមស៊ីវិល ជំរុញអាជ្ញាធរពាក់ព័ន្ធចុះអន្តរាគមន៍ទប់ស្កាត់បទល្មើសទាំងអស់នេះជាបន្ទាន់។
2024-09-30
មន្ត្រីសង្គមស៊ីវិលលើកឡើងថា មូលហេតុដែលយុវជនមួយចំនួនមិនសូវចាប់អារម្មណ៍សិក្សាផ្នែកវិទ្យាសាស្ត្រ ដោយសារតែមុខវិជ្ជានេះមានភាពស្មុគស្មាញច្រើនជាងមុនវិជ្ជាវិទ្យាសាស្ត្រសង្គម និងខ្វះការយកចិត្តទុកដាក់ពីក្រសួងអប់រំ។ ពួកគាត់បារម្ភថា នៅពេលដែលយុវជនចាប់យកមុខវិជ្ជាវិទ្យាសាស្ត្រសង្គមច្រើននឹងធ្វើឱ្យកម្ពុជាប្រឈមនឹងខ្វះខាតអ្នកជំនាញផ្នែកវិទ្យាសាស្ត្រ បច្ចេកវិទ្យា និងវិស្វករដើម្បីអភិវឌ្ឍន៍ប្រទេសជាតិ។
2024-09-30
ការសម្រេចផ្ដាច់ជំនួយទាំងស្រុងពីកម្ពុជារបស់រដ្ឋាភិបាលស៊ុយអែត (Sweden) ធ្វើឱ្យប៉ះពាល់ដល់ក្រុមអង្គការសង្គមស៊ីវិលជាច្រើន ដែលធ្លាប់ទទួលបានជំនួយ ដើម្បីដំណើរការគម្រោងការពារសិទ្ធិមនុស្ស និងពង្រឹងប្រជាធិបតេយ្យនៅកម្ពុជា។
2024-09-29
រដ្ឋមន្ត្រីក្រសួងការបរទេស លោក សុខ ចិន្តាសោភា ប្រាប់ពិភពលោកថា កម្ពុជាគាំទ្រលើគោលការណ៍មិនទុកនរណាម្នាក់ចោល ហើយកម្ពុជាគឺជាប្រទេសប្រកាន់យកការគោរពសិទ្ធិមនុស្ស និងមាននីតិរដ្ឋ។ ទោះជាយ៉ាងណា អ្នកឃ្លាំមើលសង្គមថា ការលើកឡើងរបស់ លោក សុខ ចិន្តាសោភា គឺជាការអួតអាងខុសពីការពិត។
2024-09-29
ក្រុមអ្នកតាមដានកិច្ចការអន្តរជាតិលើកឡើងថា ក្រុមមេដឹកនាំប្រទេសនៅតំបន់អាស៊ានមួយចំនួន កំពុងតែដឹកនាំតាមបែបផ្ដាច់ការ ទោះបីប្រទេសទាំងនោះប្រកាន់យករបបប្រជាធិបតេយ្យជាគោលក៏ដោយ។ ប្រទេសទាំងនោះ រួមមានថៃ កម្ពុជា និងប្រទេសភូមា ឬមីយ៉ាន់ម៉ា (Myanmar) ជាដើម។
2024-09-29
រមណីយដ្ឋានទេសចរណ៍ ប្រវត្តិសាស្ត្រ ផ្ទះតាម៉ុក មិនសូវមានភ្ញៀវទេសចរចូលទស្សនាដូចមុននោះទេ។ ពលរដ្ឋនៅតំបន់នោះ លើកឡើងថា ដោយសារកត្តាសេដ្ឋកិច្ចទើបធ្វើឲ្យ ភ្ញៀវទេសចរជាតិ និងអន្តរជាតិ លែងចាប់អារម្មណ៍ចូលទស្សនា តំបន់ប្រវត្តិសាស្ត្រមួយនេះទៀត។ សង្គមស៊ីវិល យល់ឃើញថា រដ្ឋាភិបាលគួរតែរៀបចំសោភ័ណភាព ហើយកែលម្អផ្នែកនយោបាយ លុបបំបាត់អំពើពុករលួយ ដើម្បីទាក់ទាញភ្ញៀវទេសចរមកវិញ។
