វីដេអូ

មន្ត្រីសមាគមអាដហុក សោកស្ដាយចំពោះសេចក្តីសម្រេចរបស់តុលាការកំពូល

2022-11-18

មន្ត្រី​សមាគម​ការពារ​សិទ្ធិ​មនុស្ស​អាដហុក ខក​ចិត្ត​និង​ចាត់ ទុក​សេចក្តី​សម្រេច​របស់​តុលាការ​កំពូល គឺ​ជា​រឿង​អយុត្តិធម៌  និង​ជា​ការ​បំបាក់​ស្មារតី​អ្នក​ការពារ​សិទ្ធិមនុស្ស។ការ​លើក​ឡើង​បែប​នេះ ​គឺ​បន្ទាប់​ពី​តុលាការ​កំពូល បាន​ប្រកាស​សាលដីកា​លើ​បណ្តឹង​សារទុក្ខ នៅ​ថ្ងៃ​ទី១៨ ខែ​វិច្ឆិកា​ ដោយ​សម្រេច​ឲ្យ​មន្ត្រី​និង​អតីត​មន្ត្រី​សិទ្ធិ​មនុស្ស​នៃ​សមាគម​អាដហុក ៥រូប​បន្ត​មាន​ទោស​ម្នាក់​ៗ ៥ឆ្នាំ​ដដែល ប៉ុន្តែ​ទោស​នេះ ត្រូវ​បាន​ព្យូរ ។ពួក​គាត់​ទាំង​៥​នាក់ ក៏​ធ្លាប់​ត្រូវ​បាន​តុលាការ​ជាន់​ទាប​ ឃុំ​ខ្លួន​ក្នុង​ពន្ធនាគារ​១៤ ខែ ពាក់ព័ន្ធ​នឹង​ការ​ចោទ​ប្រកាន់​ពី​សូក​ប៉ាន់​សាក្សី​ និង​សម​គំនិត​សូកប៉ាន់​សាក្សី​ក្នុង​សំណុំ​រឿង​អាស្រូវ​ស្នេហា​រវាង​លោក កឹម សុខា និង​នាង ខុម ចាន់ដារ៉ាទី ហៅ ​ស្រីមុំ ដែល​សហគមន៍​ជាតិ និង​អន្តរ​ជាតិ រិះ​គន់​ថា ជា​រឿង​នយោបាយ​ប្រឌិត​ដោយ​បក្ស​កាន់​អំណាច​នេះ៕